ROMANOS 5:1 - Dios Rimashcata Quillcashcami

¹ Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

Nuevo Testamento en Quichua Cañar 1996

¹ Ñucanchic crishcamanta paihuan alli tucuchun Taita Dios chasquicpimi, Apunchic Jesucristomanta Taita Dioshuan cushi canata charinchic.

ROMANOS 5:1 ပူးပေါင်းရင်းမြစ်များ

JOB 21:21

Paipac causanaca asha quillacunallami tiyan. Pai huañushca quipa paipac familia ima tucunataca ¿imatac yachangayari?

SALMOS 122:6

Jerusalenpi cushi causai tiyachun mañashpaca: «Canta cuyaccunaca cushilla causachun.

ISAÍAS 27:5

Maijanpish ñucahuan alli tucusha niccunallami saquiringa. ¡Ari, ñucahuan alli tucusha niccunaca alli tucuchunlla!» nisha.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

ZACARÍAS 6:13

Paimi, Mandac Dios ñuca huasitaca shayachinga. Paica tucuipac alli nishcami canga. Pai mandashpa tiyarinapi tiyarishpami, tucuita mandanga. Paipac ladopica shuc curami shayacunga. Paihuanca shuc yuyaillami canga” ninimi.

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

SAN LUCAS 19:42

“¡Cai pueblopi causaccunalla! Cunan punzhallapish cushi causaimanta yachashpaca, allichari canguichicman, ashtahuanpish yuyai illac cashpami, mana entendinguichic.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

ROMANOS 1:17

Chai alli huillaimi crishcallamanta Dios-huan alli tucushcata, cashcata ruhuac cashcata ricuchin. Chaica, Dios quillcachishcapica: «Runaca crishcallamantami causanga» ninmi.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

ROMANOS 10:10

Chaica, Dios chasquishca cangapacca tucui shunguhuanmi crina. Quishpiringapac quiquin shimihuanmi “Jesusca ñucata Mandacmi” nina.

ROMANOS 10:15

¿Ima shinatac mana pi cachacpica huillangacuna? Dios quillcachishcapica: «Alli huillaita huillashpa purinaca, ¡mai sumacmi!» ninmi.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

ROMANOS 15:33

Cushi causaita cuc Dios tucui cancunahuan cachun. Chashna cachun.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 3:30

Chaica, Diosca shucllami. Paimi circuncisionta ruhuashca cacpipish, mana ruhuashca cacpipish, Jesusta crishcallamanta chasquin.

ROMANOS 4:5

Ashtahuanpish Diosca ima allita mana ruhuacpipish, paita cricpica, juchacunata perdonashpa chasquinmi. Chaica, crishcallamantami chasquin.

ROMANOS 5:11

Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

ROMANOS 5:18

Ima shinami Adán juchallishcamanta tucui gentecuna juchayuc tucushpa llaquichina tucurca, chai shinallatacmi Apunchic Jesucristo cashcata ruhuac cashcallamanta tucui gentecuna mana juchanchishca canga. Shinallatac causaitapish charingami.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

ROMANOS 9:30

Shina cacpica, ¿imatatac nishun? Diosca mana israelcunataca paita crishcamantami chasquirca. Mana paicuna cashcata ruhuac cashcamantachu chasquirca.

GÁLATAS 2:16

Shina cacpipish Moisés mandashcacunata pactachishcallamantaca, Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Dios-huan alli tucushca cangapac crishcanchic.

GÁLATAS 3:25

Shina cacpimi crina punzhacuna chayamucpica, chai mandashcacunaca ña mana charicun.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

EFESIOS 2:7

Cristo Jesusmanta ñucanchicta mai llaquishpa, yallita cuyashcata shamuc punzhacunapi ricuchingapacmi, chashnaca ruhuashca.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

COLOSENSES 1:20

Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

1 TESALONICENSES 5:23

Cushi causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca jucha illac, pi mana juchanchipacta ruhuashpa huacaichichun.

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cuchun shinallatac tucui cancunahuan cashca cachun nishpami ninchic.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.