ROMANOS 4:9 - Dios Rimashcata Quillcashcami

⁹ Chai cushicuica, ¿circuncisionta ruhuashcacunallamanchu? Mana cashpaca, ¿circuncisionta mana ruhuashcacunamanpishchu canga? Ñami: “Diosca Abrahamtaca crishcallamantami chasquirca” nishcanchic.

Nuevo Testamento en Quichua Cañar 1996

⁹ Shina cacpica, ¿circuncisionta*f** ruhuashcacunallachu chai cushicuitaca chasquinga? Mana cashpaca, ¿circuncisionta mana ruhuashcacunapish manachu chasquinga? “Abrahamtaca crishcallamantami Taita Dios paihuan alli tucuchun chasquirca” nishpaca, ñami nishcani.

ROMANOS 4:9 ပူးပေါင်းရင်းမြစ်များ

GÉNESIS 15:6

Abramca Mandac Dios nishcata crircami. Chaimantami Abramtaca: “Canca cashcata ruhuacmi cangui” nishpa chasquirca.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

ROMANOS 4:10

¿Abrahamtaca manarac circuncisionta ruhuacpichu chasquirca? Mana cashpaca, ¿circuncisionta ruhuashca quipachu chasquirca? Mana, chaica manarac circuncisionta ruhuacpimi, Diosca chasquirca.

ROMANOS 4:3

Dios quillcachishcapica: “Abrahamca Diostami crirca. Chaimantami Diosca paita chasquirca” ninmi.

GÁLATAS 3:14

Taita Abrahamman Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.