ROMANOS 4:5 - Dios Rimashcata Quillcashcami

⁵ Ashtahuanpish Diosca ima allita mana ruhuacpipish, paita cricpica, juchacunata perdonashpa chasquinmi. Chaica, crishcallamantami chasquin.

Nuevo Testamento en Quichua Cañar 1996

⁵ Shina cacpipish juchacunata perdonashpa, paihuan alli tucuchun chasquiclla Taita Diosta cricpica, paiman ima allita mana ruhuashca cacpipish, crishcallamantami paihuan alli tucuchun chasquin.

ROMANOS 4:5 ပူးပေါင်းရင်းမြစ်များ

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

MARCOS 9:23

Shina nicpimi Jesusca: —¿Ima nishpatac “allichi pudishpaca” ningui? Tucui shunguhuan cricca, imatapish ruhuai pudinmi— nirca.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SAN JUAN 6:29

Shina nicpimi Jesusca: —Pai munashcata ruhuanaca, pai cachashca churita crinami— nirca.

ROMANOS 10:3

Paicunaca Dios chasquisha nicucpipish mana entendishpami, quiquin ruhuashcahuan Dios chasquishca canata munarcacuna.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 4:24

ashtahuanpish ñucanchicta chasquinamantapishmi nicun. Ñucanchictapish Apunchic Jesusta huañushcacunapuramanta causachic Diosta cricpica, chasquinamantapishmi nicun.

ROMANOS 4:3

Dios quillcachishcapica: “Abrahamca Diostami crirca. Chaimantami Diosca paita chasquirca” ninmi.

ROMANOS 4:6

Ima allita mana ruhuacpipish, Dios chasquicpi, cushicunamanta David huillashpaca:

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

JOSUÉ 24:2

Chashna tucui israelcuna tandanacucpimi Josueca: —Israelcunata Mandac Diosca: “Ñaupa huatacunaca cancunapac ñaupa taita Abrahampac Nacorpac taita Tareca jatun yacu chimba ladopimi causarca. Paicunaca shuctac dioscunata servishpami causarca.