ROMANOS 4:11 - Dios Rimashcata Quillcashcami

¹¹ Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.

Nuevo Testamento en Quichua Cañar 1996

¹¹ Abrahamtaca crishcallamantami Taita Diosca paihuan alli tucuchun chasquirca. Ashtahuanpish Dios chasquishcata ricuchingapacmi, q'uipata circuncisionta ruhuarca. Chashnami Abrahamca mana circuncisionta ruhuashca cashpapish, tucui criccunapac taita shina tucurca. Taita Diosca paicunatapish crishcallamantami paihuan alli tucuchun chasquirca.

ROMANOS 4:11 ပူးပေါင်းရင်းမြစ်များ

GÉNESIS 17:24

Abrahamca iscun chunga iscun huatayuc cashpami, pai charishca asha carata pitishpa, circuncisionta ruhuarca.

SALMOS 47:9

Llactacunata mandaccunaca Abrahampac Dios acllashcacunahuanmi tandanacushca.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 31:13

«Israelcunataca: “Cancunaca samana punzhata huacaichinguichic. Chai punzhataca tucui huahua huahuacunami huacaichina can. Chashnami ñucataca Mandac Dios cashcatapish, chai punzha ñucapaclla cashcatapish yachangacuna.

ÉXODO 31:17

Samana punzhaca ñucahuanpish, israelcunahuanpish shuc señalmi can. Mandac Dios ñucaca sucta punzhapimi jahua pachatapish, cai pachatapish ruhuarcani. Ashtahuanpish canchisniqui punzhapica imata mana ruhuashpami samarircani” ninmi ningui» nirca.

EZEQUIEL 20:12

Shinallatac paicunahuan ari nishcata yuyarichun, paicunata ñucapacllata ruhuac Mandac Dios cashcata yachachunmi samana punzhatapish curcani.

EZEQUIEL 20:20

Shinallatac samana punzhaca ñucapaclla chicanyachishca cashcata yuyarichic. Chashnami ñucaca Mandac Dios cashcata yachanguichic’ nircani.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SAN LUCAS 19:9

Chashna nicpimi Jesusca: —Canpish Abrahampac huahua huahuami cangui. Chaimantami cunan punzha quishpirinaca cai huasiman chayamushca.

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

SAN JUAN 6:40

Taitaca paipac Churita maijanpish ricushpa crishpaca, huiñai causaita charichunmi munan. Ñucami tucuri punzhapi paicunataca causachisha— nirca.

SAN JUAN 6:47

Maijanpish ñucata cricca, huiñai causaitami charin. Chaica chashnatacmi can.

SAN JUAN 8:33

Shina nicpimi paicunaca: —Ñucanchicca Abrahampac huahua huahuacunami canchic. Jaicapi huatashca shina servicca mana canchicchu. ¿Ima nishpatac cacharichingami ninguiyari?— nirca.

ROMANOS 10:11

Dios quillcachishcapica: «Maijanpish paita cricca mana pingaichishcachu canga» ninmi.

ROMANOS 10:4

Maijanpish crishpalla Dios chasquishca cachunca, Cristollami mandashcacunata pactachirca.

ROMANOS 10:6

Crishcallamanta Dios chasquishca canamanta Moisés quillcashpaca: «Ama shungupi: “¿Pitac jahua pachaman huichicungayari?” ninguichu. (Chashnaca, jahua pachamanta Cristota uricuchina shinatami nicungui).

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 3:26

Cunanmi Diosca ima shina chasquic cashcata ricuchin. Jesusta criccunata chasquishpami, pai cashcata ruhuac cashcata ricuchin.

ROMANOS 3:30

Chaica, Diosca shucllami. Paimi circuncisionta ruhuashca cacpipish, mana ruhuashca cacpipish, Jesusta crishcallamanta chasquin.

ROMANOS 4:10

¿Abrahamtaca manarac circuncisionta ruhuacpichu chasquirca? Mana cashpaca, ¿circuncisionta ruhuashca quipachu chasquirca? Mana, chaica manarac circuncisionta ruhuacpimi, Diosca chasquirca.

ROMANOS 9:30

Shina cacpica, ¿imatatac nishun? Diosca mana israelcunataca paita crishcamantami chasquirca. Mana paicuna cashcata ruhuac cashcamantachu chasquirca.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

ROMANOS 9:6

Chaita nishpaca mana: Israelcunaman Dios cushami nishcaca mana pactachishcachu nisha ninichu. Ashtahuanpish taita Israelpac huahua huahuacuna mana tucui mashna israelcunatac cashcamanta,

2 CORINTIOS 1:22

Paipaclla cachunmi sellohuan churashca shinata ruhuashca. Ñucanchic shungupi paipac Espirituta churashpami, quipa punzhapi ñucanchic japina cashcata ricuchishca.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.

GÁLATAS 3:7

Chaimantami maijanpish criccunalla Abrahampac huahua huahuacunataca can. Chaitaca yachanami canguichic.

GÁLATAS 5:5

Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Dios-huan alli tucuna yuyaillami canchic.

GÁLATAS 6:16

Cai ñuca nishca shina causaccunamanpish, Dios tucui acllashcacunamanpish Dios llaquishpa, sumac causaita cushca cachun ninimi.

EFESIOS 1:13

Shinallatac cancunaca cashcata nic huillashcata, quishpirinamanta alli huillaita uyashpaca, Cristota cricpimi, pai cusha nishca Espirituta cushpa, paipacllata ruhuashca sellota churarca.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

APOCALIPSIS 9:4

Chashna cushpaca, allpapi tiyac quihuatapish, yuracunatapish, tucui imapish verdicllacunataca ama imata ruhuachunmi mandarca. Ashtahuanpish Diospac sellota frentepi mana charic gentecunatami llaquichichun cacharca.