ROMANOS 4:1 - Dios Rimashcata Quillcashcami

¹ ¿Imatatac ñaupa taita Abrahammantaca nishun? ¿Paica imatatac japishca canga?

Nuevo Testamento en Quichua Cañar 1996

¹ Shina cacpica, ñucanchic ñaupa taita Abrahammantaca, ¿imatatac nishun? ¿Paica imatatac japishca canga?

ROMANOS 4:1 ပူးပေါင်းရင်းမြစ်များ

ISAÍAS 51:2

Cancunapac ñaupa taita Abrahamtapish, cancunata sajuaric mama Saratapish yuyarichicyari. Ashtahuanpish pai sapalla cacpimi, ñuca cayashpa bendiciashpa, achcata mirachircani.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN JUAN 8:33

Shina nicpimi paicunaca: —Ñucanchicca Abrahampac huahua huahuacunami canchic. Jaicapi huatashca shina servicca mana canchicchu. ¿Ima nishpatac cacharichingami ninguiyari?— nirca.

SAN JUAN 8:53

¿Canca Abrahamta yallichari cangui? Paipish, Dios ima nishcata huillaccunapish huañurcami. Canca, ¿ima nishpatac chashnaca nicunguiyari?— nirca.

SAN JUAN 8:56

Taita Abrahamca ñuca cai pachaman shamuna punzhata ricushpami cushicurcami. Ña ricushpaca, ashtahuanmi cushicurca— nirca.

HECHOS 13:26

Abrahammanta mirarishca huauquicunalla, Diosta manchac, mana israelcunapish cai quishpirinamanta huillashcaca cancunamanmi.

ROMANOS 1:3

Cai alli huillaica Diospac Churi, Mandac Jesucristomantami huillacun. Pai Runa tucungapacca, ñaupa mandac Davidpac huahua huahuapuramantami huacharirca.

ROMANOS 3:5

Ñucanchic mana allita ruhuashcacunallatac Dios cashcata ruhuac cashcata ricuchicpica, ¿imatatac nishun? Ñucanchicta llaquichicpica, ¿Diosca millaimantami llaquichin nishunchu? Caitaca gentecuna yuyashca shinami rimagrini.

ROMANOS 4:16

Diosca cuyashcallamantami Abrahamman cushca nishcataca paipac huahua huahuacunamanpish cushca. Dios cushami nishcaca mana mandashcacunata cazuccunallamanchu, ashtahuanpish Abraham shina criccunamanpishmi can. Abrahammi tucuipac taita tucushca.

ROMANOS 6:1

Shina cacpica, ¿imatatac nishun? Dios ashtahuan cuyac cashcata ricuchichunca, ¿ashtahuan juchata ruhuacushunllachu?

ROMANOS 7:7

Shina cacpica, ¿imatatac nishun? ¿Mandashcacunaca juchami nishunchu? ¡Mana chashnachu! Shina cacpipish, mandashcacuna mana tiyashca cacpica, ñucaca imami jucha cashcata, mana yachaimanchu carcani. Mandashcacunapi «Ama shucpac charishcata munanguichu» mana nicushca cacpica, shucpac charishcata munana jucha cashcataca mana yachaimanchu carcani.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

2 CORINTIOS 11:22

Paicunaca “hebreocunami canchic” ninchayari, ñucapish chaillatacmi cani. Paicunaca “israelcunami canchic” ninchari, ñucapish chaillatacmi cani. Paicunaca “Abrahampac huahua huahuacunami canchic” ninchari, ñucapish chaillatacmi cani.

HEBREOS 12:9

Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.