ROMANOS 3:4 - Dios Rimashcata Quillcashcami

⁴ ¡Mana chashna ruhuangachu! Tucui gentecuna llullac cacpipish, Diosca ima nishcata pactachicmi. Dios quillcachishcapica: «Tucuimi: “Cashcata nicmi” ningacunami. Canta taripacpipish, allimi llucshingui» ninmi.

Nuevo Testamento en Quichua Cañar 1996

⁴ ¡Chaica mana chashnachu! Tucui gentecuna llullac cacpipish, Taita Diosca ima nishcata pactachic cashcamantaca pactachingami. Dios quillcachishcapica: “Can imata nishcapish allillatacmi canga. Canman imata tapucpipish, mana juchanchishcachu llucshingui” ninmi.

ROMANOS 3:4 ပူးပေါင်းရင်းမြစ်များ

JOB 36:3

Ñucapi tiyac yachaicunaca carumanta shamuc shinami can. Ñucata ruhuac ima shina cashcatami canmanca huillasha nini.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

SALMOS 100:5

Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.

SALMOS 116:11

Yalli llaquihuan musparishpami: «Tucui gentecunami llullaccuna» nircani.

SALMOS 119:160

Tucui can rimashcacunaca cashcata nicmi. Cashcata ruhuashpa taripanaca huiñaipacmi.

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

SAN MATEO 11:19

Runa Tucungapac shamushca ñuca imatapish micuc, vinotapish ubiacpica: “Cai runaca yalli micucmi, vinotapish ubiacmi, impuestota japiccunahuanpish, caishuc juchayuccunahuanpish tandaricmi” ninguichicmi. Cancuna chashna nicucpipish, Dios yachac cashcataca paita cazuccunami ricuchicun» nirca.

SAN LUCAS 20:16

Pai shamushpaca, partedariocunata huañuchishpami, chagrata quichushpa, shuccunaman cunga» nirca. Chashna nicta uyashpaca, gentecunaca: —¡Amatapish caica tucuchun!— nirca.

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

ROMANOS 11:1

¿Cunanca imatatac nishun? ¿Diosca pai acllashca israelcunataca shitashcachu? ¡Mana chashnachu! Ñucapish Abrahampac huahua huahuapuramanta, Benjamín aillupurami cani.

ROMANOS 11:11

Ñucaca: ¿Israelcuna urmashpaca, huiñaitachu chingarishca canga? ¡Mana chashnachu! Ashtahuanpish israelcuna mana cazushcamantami Diosca mana israelcunata quishpichirca. Israelcuna envidiachunmi chashnaca ruhuarca.

ROMANOS 3:31

Shina cacpica, Jesusta crishcamantaca, ¿Moisés mandashcacunata yangallami ninachu canchic? ¡Mana chashnachu! Ashtahuanpish chai mandashcacuna alli cashcatami ricuchinchic.

ROMANOS 6:15

Shina cacpica, ¿imatatac nishun? Shinaca, mana mandashcacuna mandashcachu causacunchic, ashtahuanpish Diospac cuyaimantami causacunchic, nishpaca, ¿juchata ruhuashpa caticushunllachu? ¡Mana chashnachu cana can!

ROMANOS 6:2

¡Mana chashnachu cana can! Juchata ña mana ruhuangapacmi, huañushca shina canchic. ¿Maitatac juchata ruhuashpa catishunyari?

ROMANOS 7:13

¿Chai shina, alli cashca jahuachu huañuiman aparca? ¡Mana chashnachu! Chai mandashcacunaca alli cashpami, juchata ruhuana mana alli cashcata ricuchirca. Chai mandashcacunami ñucataca huañuchirca. Chai mandashcacunami juchaca yalli mana alli cashcata ricuchin.

ROMANOS 7:7

Shina cacpica, ¿imatatac nishun? ¿Mandashcacunaca juchami nishunchu? ¡Mana chashnachu! Shina cacpipish, mandashcacuna mana tiyashca cacpica, ñucaca imami jucha cashcata, mana yachaimanchu carcani. Mandashcacunapi «Ama shucpac charishcata munanguichu» mana nicushca cacpica, shucpac charishcata munana jucha cashcataca mana yachaimanchu carcani.

ROMANOS 9:14

Chashna cacpica, ¿imatatac nishun? ¿Diosca mana cashcata ruhuacchu nishunchu? ¡Mana chashnachu!

1 CORINTIOS 6:15

Cancunaca, ¿manachu cancunapac cuerpoca Cristohuan shuc shinalla cashcataca, yachanguichic? Cristohuan shuc shinalla tucushca cuerpotaca, ¿ima shinatac cullquimanta huainayac huarmipac cuerpohuan shuc shinallatac ruhuasha? ¡Chaitaca mana yuyanallapish canchicchu!

2 CORINTIOS 1:18

Ñucanchic cancunaman huillashcaca, chai ratollatac «mana», chai ratollatac «ari» ninaca mana canchu. Chaitaca Diosllatami yachan.

GÁLATAS 2:17

Jesucristota crishcallamanta Dios-huan alli tucunata munashpaca, ñucanchicpish juchayuc cashcatami ricuchinchic. Shina cacpica, “¿Jesucristomi ñucanchicta juchata ruhuachicun” nishunchu? ¡Chashnaca mana ninachu canchic!

GÁLATAS 2:21

Dios mai cuyashcataca mana yangapichu churani. Mandashcacunata pactachishpalla Dios-huan alli tucuna cacpica, Cristo huañushcaca yangamantami canman.

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

1 JUAN 5:10

Maijanpish Diospac Churita cricca, Diosllatac huillashcatami paipac shungupi charin. Maijanpish Diosta mana cricca, Diosllatac paipac Churimanta huillashcata mana crishcamantami, Diosta llullapi churan.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca: