ROMANOS 3:20 - Dios Rimashcata Quillcashcami

²⁰ Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

Nuevo Testamento en Quichua Cañar 1996

²⁰ Taita Diosca mandashcacunata pactachishcallamantaca pitapish paihuan alli tucuchunca mana chasquingachu. Chai mandashcacunaca ñucanchic juchayuccuna cashcata ricuchingapacllami can.

ROMANOS 3:20 ပူးပေါင်းရင်းမြစ်များ

JOB 15:15

Diosca paipaclla causaccunapipish mana shunguta churanchu. Jahua pachapish paipac ñahuipica mana mapa illacchu can.

SALMOS 130:3

Mandac Dioslla, ñucanchic juchacuna cambac yuyaipi tiyacucpica, ¿pitac cambac ñaupapi shayari pudingayari?

SALMOS 143:2

Cambac ñaupapica cashcata ruhuacmi cani nishpaca pi mana ningachu. Canta servictaca ama taripaichu.

HECHOS 13:39

Moisés mandashcacunata pactachishpaca, mana Dios-huan alli tucui pudircanguichicchu, ashtahuanpish Jesusta cricpimi, Diosca paihuan alli tucuchun pitapish chasquin.

ROMANOS 2:13

Mandashcacunata uyashcallamantaca pipish mana Dios-huan alli tucunchu, ashtahuanpish chai mandashcacunapi ima nishcata cazushpami, Dios-huanca alli tucun.

ROMANOS 3:28

Shinaca, mandashcacunata pactachishcallamantaca Dios mana chasquic cashcata, ashtahuanpish Jesusta crishcamanta chasquic cashcatami yachac chayanchic.

ROMANOS 4:13

Diosmi Abrahammanpish, paipac huahua huahuacunamanpish cai pachata cusha nishpa ari nirca. Chaica, mana Abraham Moisés mandashcacunata pactachishcallamantachu cusha nirca, ashtahuanpish crishcamantami chasquirca.

ROMANOS 4:15

Mandashcacunata mana pactachicpica, Diosca llaquichingami. Mandashcacuna mana tiyacpica, pipish mana juchanchishcachu canga.

ROMANOS 5:13

Mandashcacuna manarac tiyacpimi, juchaca ña cai pachapi tiyarca. Mandashcacuna mana tiyacpica, pipish mana juchanchishcachu carca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

ROMANOS 7:11

Juchaca mandashcacuna tiyashcamantami ñucata pandachirca. Chai mandashcacunamantami huañurcani.

ROMANOS 9:32

¿Imamantatac chashnaca carca? Paicunaca crishcallamanta Dios chasquishca canataca mana munarcacunachu, ashtahuanpish mandashcacunata pactachishpami, chasquishca canata munarcacuna. Chaimantami mitcarina rumipi mitcarircacuna.

1 CORINTIOS 15:56

Nanachishpa huañuchicca juchami. Mandashcacuna tiyashcamantami juchaca poderta charin.

GÁLATAS 2:16

Shina cacpipish Moisés mandashcacunata pactachishcallamantaca, Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Dios-huan alli tucushca cangapac crishcanchic.

GÁLATAS 2:19

Mandashcacunata ruhuangapacca huañushca shinami cani. Shina cashpapish mandashcallatacmi Diospaclla causachun mandarca.

GÁLATAS 5:4

Maijan cancunapurapi mandashcacunata pactachishpalla Dios-huan alli tucushun nishpaca, Cristomanta caruyashpami Dios mai cuyashcamantapish chicanyarishcacuna.

HEBREOS 7:19

Moisés mandashcacunaca pactachishpaca, pita jucha illacta ruhuarca. Chaimantami Diospacman chayaringapacca shuc sumac shuyana cashcata shuyacunchic.