ROMANOS 3:11 - Dios Rimashcata Quillcashcami

¹¹ Pipish mana entendinchu. Diosmanta yachacpish, pi mana tiyanchu.

Nuevo Testamento en Quichua Cañar 1996

¹¹ Alli yuyaita charicpish, pi mana tiyanchu. Diosmanta yachasha nicpish, pi mana tiyanchu.

ROMANOS 3:11 ပူးပေါင်းရင်းမြစ်များ

SALMOS 53:2

Diosca huañuclla gentecunapurapi shucllapish alli yuyaiyuc, Diosta mashcac tiyangami nishpami, jahua pachamanta tucuita ricurca.

SALMOS 53:4

Mandac Diosta mana mañac, millai ruhuac gentecunaca mana entendincunachu. Ñuca acllashcacunataca tandata micuc shinami tucuchincuna.

SALMOS 94:8

Mana entendic gentecuna entendichiyari. ¿Ima horastac yuyaita japigringuichicyari?

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

PROVERBIOS 1:7

Alli yachac cangapac callaricca Mandac Diosta manchanami can. Ashtahuanpish mana entendiccunaca alli yachaitapish, yachachishcatapish piñancunami.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

ISAÍAS 65:1

Mandac Diosca: «Manapish tapuccuna, manapish mashcaccunami ñucataca tarirca. Ñuca shutita manapish cayaccunamanmi: “¡Caipimi cani, caipimi cani!” nircani.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

OSEAS 7:10

Israelcunataca paicuna jatun tucushcallatacmi llaquichinga. Shina cacpipish, paicunaca Mandac Dios ñucapacman cutinata mana munanchu. Paitaca mana mashcanchu.

SAN MATEO 13:19

Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla.

ROMANOS 1:22

Yallita yachac tucusha nishpapish, yuyai illaccunami tucushca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

ROMANOS 3:10

Dios quillcachishcapica: «Cashcata ruhuacca shucllapish mana tiyanchu.

ROMANOS 3:12

Tucuimi pandarishcacuna, tucuimi mana vali tucushca. Pipish allita ruhuacca mana tiyanchu, shucllapish mana tiyanchu.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.