ROMANOS 2:5 - Dios Rimashcata Quillcashcami

⁵ Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

Nuevo Testamento en Quichua Cañar 1996

⁵ Ashtahuanpish canca sinchi shungu cashpami, Taita Diosman mana cutirisha ningui. Chaimantami Taita Dios imata ruhuashcata ricushpa taripana punzhapi llaquichishca cangapac, ashtahuan mana allita ruhuashpa c'aticungui.

ROMANOS 2:5 ပူးပေါင်းရင်းမြစ်များ

2 CRÓNICAS 30:8

Cunanca, ama cancunapac ñaupa taitacuna shina sinchi shungu tucuichicchu. Ashtahuanpish Mandac Diosta cazushpa, paipac huasiman shamuichic. Chai huasitaca Diosmi huiñaita paipaclla cachun chicanyachishca. Cancunata Mandac Diosta servichic. Shina servicpimi, nina japiric shina piñarishcamantaca cancunahuan alli tucunga.

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

SALMOS 110:5

Mandac Diosca cambac alli ladopimi tiyacun. Pai piñashca cai punzhacunapica jatun mandaccunatami tucuchinga.

SALMOS 95:8

«Meriba pambapi ruhuashca shina, shitashca pamba Masapi ruhuashca punzhacuna shina ama cancunapish rumi shungu tucuichicchu.

ÉXODO 14:17

Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

ÉXODO 8:15

Ña llaquicuna mana tiyacpica, cutinllatacmi Faraonca sinchi shungu tucurca. Chaimantami Moisestapish, Aarontapish Mandac Dios nishca shina, mana cazurca.

PROVERBIOS 1:18

Ashtahuanpish chai runacunaca paicunallatac huañungapacmi tucllata ruhuancuna. Paicunapac llaquipacllatacmi tucllata churancuna.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

ISAÍAS 48:4

Cancunapac shungu, barra fierro shina cashcatapish, frenteca bronce shina cashcata yachanimi.

JEREMÍAS 40:3

Mandac Diosca pai nishca shinami, llaquichishpa, pai nishcata pactachishca. Cancunallatac juchata ruhuashpa, Mandac Diosta mana cazushcamanta, pai rimashcata mana uyashcamantami cai llaquicunahuan llaquichishca.

EZEQUIEL 11:19

Paicunamanca mushuc yuyaita, mushuc shungutami cusha. Rumi shunguta anchuchishpami, aicha shunguta churasha.

EZEQUIEL 3:7

Ashtahuanpish israelcunaca can rimashcataca mana uyasha ningacunachu. Paicunaca ñuca rimashcataca mana munancunachu. Tucui israelcunami sinchi umacuna, rumi shungucuna can.

DANIEL 5:20

Ashtahuanpish paipac shungupipish, yuyaipipish jatun tucushcamantami, pai mandanatapish, pai alli nishca canatapish quichurca.

OSEAS 13:12

Efraín aillu millaita ruhuashcaca huatashca shinami tiyacun. Paicunapac juchapish alli huacaichishcami tiyacun.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

ROMANOS 1:18

Diosca jahua pachamantami paita mana cazuccunaman, millaita ruhuaccunaman pai piñarishcata ricuchin. Paicunaca mana allita ruhuashpami, cashcata ruhuanata jarcancuna.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

ROMANOS 9:22

Chai shinallatacmi Diosca piñashpa tucuchina cacpipish, mana llaquichishpa, pai llaquichic cashcatapish, poderyuc cashcatapish ricuchin.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 32:34

¿Chaitaca manachu ñuca ladopi huacaichinapi huacaichishpa charicuni?

2 TESALONICENSES 1:5

Cancuna chai shina llaquita apashpaca, Dios cashcatatac ruhuashpa taripac cashcatami ricunguichic. Dios maipi mandacucman yaicungapacmi chai shina llaquita apacunguichic.

HEBREOS 3:13

Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

HEBREOS 3:15

Chaimantami: «Dios rimashcata cunan uyashpaca, chai mana cazuccuna shina ama shunguta sinchiyachichicchu» nin.

HEBREOS 4:7

Chaimantami Diosca samaringapac cunan punzhata acllashca. Chai huillacushcamantaca tauca huatacuna quipami Davidca: “Dios rimashcata cunan uyashpaca, ama shunguta sinchiyachichicchu” nishca.

SANTIAGO 5:3

Cancuna charishca curipish, cullquipish mujusyashcami. Chai mujusyashcallatacmi, cancuna mana alli cashcataca ricuchishpa, nina shina llaquichinga. Cancunaca cai tucuri punzhacunapami, charinacunataca yallita tandachishcanguichic.

JOSUÉ 11:20

Mandac Diosca Moisesta mandashca shinami paicunataca israelcunahuan macanacuchun, chashna macanacushpaca mana llaquishpa tucuchishca cachun, sinchi shunguta ruhuarca.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 2:21

Pai huacllirinata saquishpa, Diosman llaquirishpa cuti richun nishpami, tauca punzhacunata saquircani. Shina cacpipish mana cutirishpami, millaita ruhuanataca mana saquin.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.

1 SAMUEL 6:6

¿Ima nishpatac cancunapac shungutaca Egiptopi causaccuna shina, Faraón shina sinchiyachinguichic? ¿Manachu Dios llaquichicpi, israelcunataca richun saquircacuna?