ROMANOS 2:3 - Dios Rimashcata Quillcashcami

³ Canpish chashnallatac ruhuacushpa, shuccunata juchanchishpaca, ¿Dios taripashpa llaquichinamanta anchuri pudinguichu?

Nuevo Testamento en Quichua Cañar 1996

³ ¿Canpish chashnallatac ruhuacushpa, shuccunata juchanchishpa rimashpaca, “Taita Dios llaquichina cashcamanta anchurishami” nishpa yuyanguichu?

ROMANOS 2:3 ပူးပေါင်းရင်းမြစ်များ

2 SAMUEL 10:3

Ashtahuanpish Davidta serviccuna Amón llactaman chayacpi, chai llacta mandaccunaca Hanuntaca: «David chashna cachashpaca, ¿cushichichunchu cachashca canga? David paita serviccunata cachashpaca, ¿manachu quipata tucui tucuchingapac cai llacta imalaya cashcata ricuchun, pueblocunata ricushpa purichun cachashca canga?» nirca.

JOB 35:2

«Can: “ñucaca Diostapish yalli cashcata ruhuacmi cani” nishpaca, ¿allitami nicuni yuyanguichu?

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

SALMOS 56:7

Ñuca Dioslla, paicuna millaita ruhuashca shinallatac llaquichiyari. ¡Nina japiric shina piñarishpa gentecunataca tucuchiyari!

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

EZEQUIEL 17:15

Chashna ari nishca cashpapish mana cazushpami, maijan huillaccunata Egipto llactapi caballocunatapish, achca runacunatapish mañachun cacharca. Chashna ruhuashpaca, ¿allichu causanga? Ari nishcata paquic runaca, ¿quishpiringachu?

EZEQUIEL 17:18

Ari nishcata yangapi churashcamanta, mana allicunata ruhuashcamantaca mana quishpiringuichu.

DANIEL 10:19

Chai quipami paica: “Canca yallita cuyashcami cangui, ama manchaichu. Cushi causaitami causangui. Canca fuerzata japishpa sinchicuilla” nirca. Pai chashna nicucllapitacmi sinchiyarcani. Chashna cashpami: “Ñuca amolla, ñucata sinchiyachishcanguimi, cunanca rimailla” nircani.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

SAN MATEO 26:53

Ñuca Taitaman huaranga huaranga angelcunata ñucata cuidachun mañacpica, cunanllatacmi cachanman. Chaitaca, ¿manachu yachangui?

SAN LUCAS 12:14

Shina nicpimi Jesusca: —Uyai, ¿pitac ñucataca cancunapac juez cachun, imata raquic cachun churarca?— nirca.

SAN LUCAS 22:58

Chai quipalla, shuc runa Pedrota ricushpaca: —Canpish chai runacunapurami cangui— nirca. Shina nicpimi Pedroca: —Uyai, mana paicunapurachu cani— nirca.

SAN LUCAS 22:60

Chashna nicpipish, Pedroca: —Imamantapish nicunguichari, mana entendinichu— nirca. Pedro chashna nicucpimi, ñapish galloca cantarca.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

ROMANOS 2:1

Chaimanta can pi cashpapish shuccunata juchanchishpaca, mana perdonashcachu cangui. Chashna shuccunata juchanchishpaca, quiquinllatacmi llaqui tucucungui. Canpish paicuna shinallatacmi ruhuacungui.

ROMANOS 2:2

Diosca chashna ruhuaccunataca cashcata ruhuashpami taripanga. Chaitaca yachanchicmi.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.