ROMANOS 2:23 - Dios Rimashcata Quillcashcami

²³ Mandashcacunata charishcamanta jatun tucushpaca, ¿ima nishpatac chai mandashcacunata mana cazushpa, Diosta yangapi churangui?

Nuevo Testamento en Quichua Cañar 1996

²³ Mandashcacunata charishcamanta jatun tucushpaca, ¿ima nishpatac canca chai mandashcacunata mana cazushpa, Taita Diostaca yangapi churanguiyari?

ROMANOS 2:23 ပူးပေါင်းရင်းမြစ်များ

LEVÍTICO 13:32

Canchis punzha tucucpica, curami unguctaca alli ricunga. Chashna ricucpica, sisu ungüi mana mirashpa, acchapish mana quilluyashca ricuricpi, chai ungüi mana ucucaman cacpica,

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN JUAN 5:45

Ñuca Taitapac ñaupapi, ñuca juchanchina cashcataca ama yuyanguichicchu. Ashtahuanpish cancuna shunguta churashpa, shuyacushca Moisesmi juchanchinga.

ROMANOS 2:17

Canca: “Israelmi cani, Moisés mandashcacunatapish charinmi, Dios-huanpish allimi cani” nishpami jatun tucungui.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

ROMANOS 3:27

Mandashcacunata pactachishcamanta jatun tucuc runaca, ¿imatac jatun? Chaica yangallami. ¿Imatac ruhuashcamanta Diosca chasquin? ¿Mandashcacunata pactachishcamantachu chasquin? Mana, ashtahuanpish crishcallamantami chasquin.

ROMANOS 9:4

Paicunaca Diospac huahuacunami. Taita Israelpac huahua huahuacunami. Chaimantami Diosca paipac huahuacuna cachun acllarca. Diosca paipac sumaimana cashcatapish paicunaman ricuchircami. Moisés mandashcacunatapish, Dios cuyashpa ari nishcacunatapish, Dios cusha nishcacunatapish charinmi. Diosta mañanatapish yachancunami.