ROMANOS 2:14 - Dios Rimashcata Quillcashcami

¹⁴ Mana israelcunaca Moisés mandashcacunata mana yachashpapish, paicunapac yuyaipi imami, alli, imami mana alli cashcata yachashcamantami mandashcacunata pactachincuna.

Nuevo Testamento en Quichua Cañar 1996

¹⁴ Mana israelcunaca Moisés mandashcacunata mana yachashpapish, paicunapac munaimanta mandashcacunapi nishca shinallatac ruhuashpa, allita, mana allita yachac cashcatami ricuchincuna.

ROMANOS 2:14 ပူးပေါင်းရင်းမြစ်များ

HECHOS 10:35

Mai llactapipish Diosta manchashpa, cashcata ruhuacpica, Diosca chasquinmi.

HECHOS 14:16

Paica ñaupaca tucui gentecuna quiquin munashca shina causachunmi saquirca.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

ROMANOS 2:12

Moisés mandashcacunata mana yachashpa juchalliccunaca, chai mandashcacunata mana yachashpami huañunga. Ashtahuanpish mandashcacunata yachashca jahua juchalliccunaca, mandashcapi nishca shinami taripashca canga.

ROMANOS 2:15

Paicunaca, paicunapac ruhuashcahuanmi, shungupi mandashcacuna quillcashca shina cashcata ricuchin. Paicunapac yuyaipimi ima alli cashcata, mana alli cashcata yachashpa, mana alli cacpica, mana allichu nin.

ROMANOS 2:27

Chaica aichapi mana circuncisionta ruhuashca cashpapish mandashcacunata pactachiccunaca, circuncisionta ruhuashca jahua, mandashcacunata yachashca jahua mana pactachiccunataca juchanchingami.

1 CORINTIOS 11:14

Cari acchata huiñachishpa, pingai tucushcataca, quiquin yuyaillatacmi ricuchin.

1 CORINTIOS 9:21

Moisés mandashcacunata mana pactachiccunahuan cashpaca, paicuna Cristopacman shamuchunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

DEUTERONOMIO 4:7

Ñucanchicta Mandac Diosca ñucanchic mañashcata uyangapac ñucanchic ladopimi. ¿Maijan shuctac llactatac ñucanchic Dios shina, mañashcata uyac diosta charingayari?

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.