ROMANOS 16:4 - Dios Rimashcata Quillcashcami

⁴ Paicunaca huañunata mana manchashpami, ñucata ayudarca. Chaimantami pagui nini, ashtahuanpish caishuc cric mana israelcunapish pagui nincunami.

Nuevo Testamento en Quichua Cañar 1996

⁴ Paicunaca ñucata quishpichingaraicumi ashallamanta mana huañurcacuna. Chaimantaca mana ñucallachu pagui nini, ashtahuanpish caishuc cric mana israelcunapish*f** pagui nincunami.

ROMANOS 16:4 ပူးပေါင်းရင်းမြစ်များ

2 SAMUEL 22:41

Canmi ñucata piñaccunataca ñucapac ñaupamanta callpachircangui. Chaipimi ñucata mana ricunayachiccunata tucuchircani.

MIQUEAS 2:3

Chaimantami Mandac Diosca: «Riquichic, ñucapish paicunataca yallita llaquichinatami yuyarishcani. Chai llaquimantaca shucllapish mana atingachu. Mana jatun tucushpa puringachu. Chai punzhaca yalli llaquimi canga.

SAN JUAN 15:13

Maijanpish quiquin amigomanta huañucmi, yallita cuyashcataca ricuchin.

HECHOS 15:26

Bernabepish, Pablopish huañunata mana manchashpami, Apunchic Jesucristomanta huillarca.

HECHOS 15:41

Chashnami Siria llacta, Cilicia llacta tandanacushca criccunata yuyaita cushpa, cushichishpa rircacuna.

HECHOS 16:5

Chashna huillacpica, criccunapac tandanacuica maipipish ashtahuanmi sinchiyashpa, punzhanta mirarirca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

ROMANOS 16:3

Ñucahuan pacta Apunchic Jesusta servic Priscila huarmitapish, paipac cusa Aquilatapish saludanguichic.

ROMANOS 16:5

Shinallatac paicunapac huasipi tandanacuc criccunatapish saludanguichic. Ñucahuan mai apanacuc Epenetotapish saludanguichic. Paimi Asia llactapica Jesucristota punta cric carca.

ROMANOS 5:7

Pipish cashcata ruhuac runamantaca mana huañungachu. Maijan allita ruhuac runamanta huañusha nic tiyangapishchari.

1 CORINTIOS 16:1

Criccunata ayudangapac ofrendata tandachishpaca, Galacia llacta criccunata yachachishca shina tandanguichic.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic. Tandanacushca criccunataca maipipish chai shinallatacmi mandani.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

1 TESALONICENSES 2:14

Cancuna Jesusta criccunaca Judea llacta Jesusta cric Diospaclla tandanacushca criccuna shinallatacmi quiquin llacta gentecuna llaquichishca canguichic.

JOSUÉ 10:24

Chai mandaccunata Josuepacman pushamucpimi, Josueca tucui israelcunata cayashpa, paihuan cac macanacuc runacunata mandaccunataca: «Caiman cuchuyashpa, cai jatun mandaccunapac cungapi saruichic» nirca. Shina nicpimi, paicuna cuchuyashpa, chai jatun mandaccunapac cungapi sarurca.

1 JUAN 3:16

Jesucristo ñucanchicta cuyashpa huañushcamantaca, ima shina cuyana cashcataca yachanchicmi. Shina cashcamantami ñucanchicpish, huauquicunamanta huañuna cacpipish huañuna canchic.

APOCALIPSIS 1:4

Ñucaca Juanmi cani. Ñucami Asia llactapi cac canchis pueblopi tandanacushca criccunaman quillcani. Dios cancunata mai cuyashpa sumac causaita cuchun, Diospac mandashpa tiyarina ñaupapi cac canchis Espiritucunapish allicunata cancunaman cuchunmi munani. Paica sarunpish, cunanpish, shinallatac shamucpish paillatacmi can.