ROMANOS 14:9 - Dios Rimashcata Quillcashcami

⁹ Chaipacmi Apunchic Jesusca huañurca, shinallatac causarirca. Chashnami tucuipac Mandac cangapac causarirca.

Nuevo Testamento en Quichua Cañar 1996

⁹ Shina cachunmi Apunchic Jesusca huañushcacunapacpish, causaccunapacpish Mandac cangapac huañushpa causarirca.

ROMANOS 14:9 ပူးပေါင်းရင်းမြစ်များ

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

SAN LUCAS 24:26

¿Manachu Cristoca jahua pachapi Dios alli nishca cangapacca, llaquitarac apana carca?— nirca.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

HECHOS 10:42

Diosca ñucanchictami huañushcacunatapish, causaccunatapish taripacca Jesús cashcata huillachun mandarca.

ROMANOS 10:9

Cambac shimihuan “Jesusca ñucata Mandacmi” nishpa, tucui shunguhuan Dios Jesusta huañushcacunapuramanta causachishcata crishpaca quishpiringuimi.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

1 TESALONICENSES 4:14

Apunchic Jesús huañushca cashpapish causarishcata crishpaca, Apunchic Jesusta shuyashpa huañushcacunata Jesus-huan Dios-huan causachina cashcatami crinchic.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

2 TIMOTEO 4:1

Canmanca Diospac ñaupapi, shinallatac huañushcacunatapish, causaccunatapish Jatun Mandac, taripangapac shamuc Apunchic Jesucristopac ñaupapimi caitaca mingani.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 4:5

Shina cacpipish paicunaca huañushcacunatapish, causaccunatapish taripangapac shuyacuc Diospac ñaupapimi, paicuna ima shina cashcata huillangacuna.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 2:8

Esmirna pueblopi cac tandanacushca criccunata ricuc angelman quillcai: “Huañushca cashpapish causaric, shinallatac callarichic, tucuchicca: