ROMANOS 14:2 - Dios Rimashcata Quillcashcami

² Maijancunaca: “Imatapish micunallami” nincunami. Manarac sinchi criccunaca: “Llullu micunallatami micuna” nishpami yuyancuna.

Nuevo Testamento en Quichua Cañar 1996

² Maijan criccunaca: “Imatapish micunalla” nishpami yuyancuna. Cutin maijan manarac sinchi criccunaca: “Chagrapi p'ucushca llullu micunallatami micuna” nishpami yuyancuna.

ROMANOS 14:2 ပူးပေါင်းရင်းမြစ်များ

GÉNESIS 1:29

Chai quipami Diosca: «Riquichic, cai allpapi tiyac muyuta pucuc yuracunatapish, micuna granota pucuc granotapish, muyuta cuc yuracunatapish cunimi. Tucui caicunamantami micui pudinguichic.

GÉNESIS 9:3

Tucui causaita charic animalcunatapish, verdinlla quihuatapish, llullu micunatapish cancuna micuchunmi saquini.

PROVERBIOS 15:17

Huira huagra aichata micushpapish, piñanacushpalla causanaca, ¿ima allita cangayari? Verdura micuillata micushpapish cuyanacushpa causashpaca mai allimi.

DANIEL 1:12

—Canta serviccunataca chunga punzhacaman yacullata, verdura micunallata carangui.

DANIEL 1:16

Chaita ricushpami, mayordomoca jatun mandac micunata mana cushpa, verdura micunallata cararca.

ROMANOS 14:1

Manarac sinchi criccunata chasquishpaca, ama caita chaita ninguichicchu.

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

ROMANOS 14:20

Dios imata ruhuasha nicushcataca ama micushcallamanta yangapi churaichu. Tucui micuimi micunalla, ashtahuanpish micushpa shuctac criccunata juchapi urmachinami mana alli.

ROMANOS 15:1

Ñucanchic sinchi criccunaca manarac sinchi criccuna pandaricpipish ayudanami canchic. Mana quiquinlla alli canata munanachu.

1 CORINTIOS 10:25

Aicha catuccuna tucui catushcata, ama caita chaita yuyashpa micuichiclla.

1 CORINTIOS 8:9

Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

1 CORINTIOS 9:22

Manarac sinchi criccunahuan cashpaca, paicuna Cristopacman shamuchunmi paicuna shina tucuni. Chashnami maijancunallapish quishpirichun tucuilaya tucuni.

GÁLATAS 2:12

Jacobo cachashcacuna manarac chayacpica, Pedroca mana israelcunahuanpish micucllami carca. Shina cashpapish “circuncisionta ruhuanaca allimi” niccuna chayacpica, paicunata manchashpami mana israelcunahuan micunata saquishpa raquirircalla.

1 TIMOTEO 4:4

Dios ruhuashcacunaca, tucuimi alli. Chaimantami Diosta pagui nishpa, imatapish mana millashpa chasquina canchic.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.