ROMANOS 13:4 - Dios Rimashcata Quillcashcami

⁴ Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

Nuevo Testamento en Quichua Cañar 1996

⁴ Mandaccunaca Dios churashca cashpami, cambac allipac can. Mana yangamantachu, ashtahuanpish mana allita ruhuaccunata llaquichingapacmi paicunaca can. Paicunaca Diospacta ruhuac cashpami, maijanpish llaquichina cacpica, llaquichina cashca shinallatac llaquichic can. Chaimanta mana allita ruhuashpaca manchanami cangui.

ROMANOS 13:4 ပူးပေါင်းရင်းမြစ်များ

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

2 CRÓNICAS 19:6

Chai juezcunataca: «Cancuna imata ruhuacushcataca alli yuyarichic. Cancunaca, mana runapac randichu mandacunguichic, ashtahuanpish Mandac Diospac randimi mandacunguichic. Cancuna allita mandacucpica, Paica cancunahuanmi canga.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 20:26

Yuyaisapa jatun mandacca Diosta mana manchaccunataca huairachic shinami shic-huan. Paicunataca ruedacunahuanmi sarun.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

EZEQUIEL 22:27

Mandaccunapish animalcunata japic atuc shinami, millaita ruhuashpa cullquita japingaraicu gentecunata huañuchishpa, yahuarta jichancuna.

EZEQUIEL 25:14

Edom llactataca ñuca acllashca israelcunami llaquichinga. Paicunami chai llactataca ñuca yallita piñarishpa llaquichicuc shinallatac llaquichinga. Shina ruhuacpimi, ñuca ima shina llaquichic cashcata yachangacuna.

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

ROMANOS 13:6

Mandaccunaca Diosta servic cashpami, chaillata ruhuashpa causancuna. Ima shuctac ruhuaita mana charinchu. Chaimanta impuestota cunami canguichic.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

JOSUÉ 20:5

Huañuchishcamanta paitapish huañuchingapac caticcuna chaiman chayacpica, mana paicunapac maquipi churanachu can. Paica manapish huañuchina munaihuan, manapish piñanacushca cashpami huañuchishca.

JOSUÉ 20:9

Chai pueblocunatami tucui israelcunamanpish shuctac llactamanta shamushpa, paicunahuan causaccunamanpish, maijanpish manapish huañuchina munaihuan huañuchishpa, miticugrichun acllarca. Chaipi miticugrishpami, tandanacushcacunapac ñaupapi manarac ricurigrishpa, shinallatac huañucpac familiacunapac maquipi mana huañushpa quishpiringa.

1 PEDRO 2:14

shinallatac pai churashca mandaccunatapish cazuichic. Paicunatami mana allita ruhuaccunataca llaquichichun, shinallatac allita ruhuaccunataca “allimi cangui” nichun churarca.