ROMANOS 12:2 - Dios Rimashcata Quillcashcami

² Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

Nuevo Testamento en Quichua Cañar 1996

² Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 12:2 ပူးပေါင်းရင်းမြစ်များ

ESDRAS 10:11

Cunanca, cancunapac ñaupa taitacunata Mandac Diosmanmi juchata huillana canguichic. Dios munashcata ruhuangapacmi cai llactapi causac gentecunamanta anchurishpa, shuctac llactamanta huarmicunamanta anchurina canguichic— nirca.

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

SALMOS 119:128

Chaimantami tucui can mandashcacunataca huacaichircani. Llulla causaitaca piñanimi.

SALMOS 119:174

Mandac Dioslla, can quishpichichunmi shuyacuni. Can mandashcacunahuanmi cushicuni.

SALMOS 119:72

Ñucamanca can mandashcacunaca huaranga huaranga curitapish, cullquitapish yalli allimi.

SALMOS 119:97

¡Can mandashcacunataca yallitami cuyani! Punzhantami chai yuyailla cani.

SALMOS 34:8

Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!

SALMOS 51:10

Ñuca Dioslla, ñucataca chuya shunguta ruhuaiyari. Allita ruhuac Espirituta ñucapica cutin churaiyari.

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

MARCOS 4:19

Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

SAN JUAN 14:30

Mana ashtahuan cancunahuan parlacushallachu. Chaica, ñami cai pachata mandac shamucun. Paica ñucata mana ati pudinchu.

SAN JUAN 15:19

Cancuna cai pachapac causacpica, cai pachapac causaccunaca cuyanmanmi. Ashtahuanpish cancunata paicunapuramanta ñucaca acllashcamantami cai pachapac causaccunaca piñancuna.

SAN JUAN 17:14

Can rimashcata paicunaman huillashcanimi. Chaimantami cai pachapac caccunaca paicunata piñancuna. Paicunaca ña mana cai pachamantachu, ñucapish mana cai pachamantachu cani.

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

ROMANOS 7:12

Shinaca, mandashcacunaca Dios cushcami. Mandashcacunaca allimi, cashcata nicmi, Dios cachashcami.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñucaca aichayuc runallami cani. Chaimantami juchapi huatashca shina cani.

ROMANOS 7:22

Ñuca shungupica Diospac mandashcacunahuanmi yallita cushicuni.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

1 TESALONICENSES 4:3

Diosca jucha illac causachunmi munan. Ama huainayachun,

TITO 3:5

ñucanchicta quishpichirca. Mana ñucanchic ima allita ruhuashcamanta, ashtahuanpish ñucanchicta llaquishcallamantami quishpichirca. Diosca tucui juchacunata jahuashpami cutin huacharishcata ruhuarca. Paipac Espirituta cushpami mushuc causaiyucta ruhuarca.

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

1 PEDRO 1:14

Alli cazuc huahuacuna shina, Diosta manarac ricsic cashpa, jucha munashca shina causanataca ama munaichicchu.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,

1 PEDRO 2:3

Apunchic Jesús mai cuyac cashcata ña yachashcamantami, chaita ruhuana canguichic.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

2 PEDRO 1:4

Chashna cayashpami, pai cusha nishca mai valishca allicunataca cushca. Cancuna cai pacha millaicunata ruhuashpa, llaquiman rigricushcamanta anchurishpa pai shina tucuchunmi, chashna cushca.

2 PEDRO 2:20

Maijanpish ñucanchicta Mandac Quishpichic Jesusta crishpaca, chai mana alli causaimanta anchurishcami can. Chashna anchurishca cashpapish cutin chaillamanta tigrarishpaca, ñaupa ima shina causacushcatapish ashtahuan yallimi tucun.

1 JUAN 3:13

Ñuca cuyashca huauquicuna, cai pachapaclla causaccuna cancunata piñacpica ama manchaichicchu.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:8

Tucui cai pachapi causaccunami chai animaltaca “allimari cangui” nircacuna. Chaicunaca cai pachata Dios ruhuashca punzhamanta pacha huiñaita causangapac rina, huañuchishca cac Pactalla Oveja charicuc libropi shutita mana quillcashcacunami can.