ROMANOS 12:1 - Dios Rimashcata Quillcashcami

¹ Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

Nuevo Testamento en Quichua Cañar 1996

¹ Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 12:1 ပူးပေါင်းရင်းမြစ်များ

SALMOS 116:12

Mandac Dios cai tucui allicunata ñucaman ruhuashcamanta, ¿imatatac paimanca cushayari?

SALMOS 19:14

Canca jatun rumi shina ñucata pacac, ñucata quishpichicmi cangui. Ñuca canman nishcacunapish, ñuca shungupi yuyashcapish can chasquinalla cashca cachun.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

JEREMÍAS 6:20

¿Imapactac Sabá llactamanta inciensota apamunguichic? ¿Imapactac caru llactamanta mishquilla ashnacuc huiruta apamunguichic? Cancuna tucui rupachishcatapish, Cancunapac ofrendatapish mana munanichu nini» ninmi.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

NÚMEROS 7:21

Tucui rupachingapacca shuc becita, shuc cari ovejata, shuc huatayuc cari ovejatami apamurca.

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

ROMANOS 15:30

Cuyashca criccuna, Apunchic Jesucristomanta, Diospac Espiritupac cuyaimantami ñucamanta Diosta mañachun mañani.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

ROMANOS 6:19

Cancuna mana entendinalla cacpimi, entendinallata rimani. Ima shinami utcaman cancunapac cuerpota imapish millana mana allita ruhuachun saquircanguichic, chai shinallatac cunanca cuerpotaca Diospaclla tucushpa, servichun saquichic.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

1 CORINTIOS 1:10

Cuyashca criccuna, Apunchic Jesucristopac shutipimi ama chicanyarinacushpa, tucui imapipish shuc yuyailla, shuc shinalla yuyarishpa, cuyanacushpa causaichic nini.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

2 CORINTIOS 4:16

Ñucanchic cuerpo punzhanta maucayashpa tucurimucpipish, ñucanchic almaca punzhantami mushucyashpa caticun. Chaimantami mana shaicunchic.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

EFESIOS 5:10

Cancunaca Apunchic Jesús munashca shina causanatami yuyana canguichic.

DEUTERONOMIO 14:2

Cancunaca, Mandac Diospac acllashca, jucha illac gentecunami canguichic. Mandac Diosca chican gente cachunmi tucui cai pachapi causaccunamanta acllarca.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

1 TESALONICENSES 4:10

Chashnami Macedonia llacta tucui criccunahuan cuyanacushpa causanguichic. Shina cacpipish, cuyashca criccuna, ashtahuan cuyanacushpa causachunmi mañanchic.

1 TESALONICENSES 5:12

Cuyashca criccuna, cancunapurapi Apunchic Jesusta serviccunata, cunashpa yachachiccunata alli cazunguichic.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Diostapish cushichinchic.

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

FILEMÓN 1:10

Ñuca caipi prezu cacpimi, Onesimoca Jesucristota crishpa ñuca huahua shina tucurca. Cunanca paita alli chasquichunmi mañani.

FILEMÓN 1:9

Chashna cashpapish ñucanchic cuyanacushcamantami, canmanca cuyaihuan mañani. Ñucaca ña yuyacmi cani. Cunancarin Jesucristomanta prezu japishcami tiyacuni.

HEBREOS 13:22

Cuyashca criccuna, cai ñuca asha quillcashcataca mana piñarishpa chasquichunmi mañani. Caitaca cancuna alli catichunmi quillcani.

1 PEDRO 2:20

Cancuna ima mana allita ruhuashcamanta llaquichicpi, mana piñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana piñarishpa, llaquita apashpami, Diostaca cushichinguichic.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.