ROMANOS 11:4 - Dios Rimashcata Quillcashcami

⁴ Chashna mañacpi Diosca: «Canchis huaranga gentecunatami acllarcani. Paicunaca mana Baal diospac ñaupapi cungurishcachu» nirca.

Nuevo Testamento en Quichua Cañar 1996

⁴ Chashna mañacpi Taita Diosca: “Canchis huaranga gentecunatami ñucapaclla cachun acllarcani. Paicunaca mana ruhuashcalla Baal diospac ñaupapi cunguriccunami” nircami.

ROMANOS 11:4 ပူးပေါင်းရင်းမြစ်များ

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

1 REYES 19:18

Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.

ISAÍAS 4:3

Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga.

JEREMÍAS 19:5

Baal diosman paicunapac churicunata cushpa tucuita rupachingapacmi altarcunata ruhuarca. Chaicunata ruhuachunca mana mandarcanichu, imatapish mana nircanichu. Shinallatac mana yuyarcanillapishchu.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

SOFONÍAS 1:4

Judá llactapi causaccunatapish, Jerusalenpi causaccunatapish llaquichishami. Baal diosmanta puchushcacunatapish, chai diosta servic curacunapac shuticunatapish chingachishami.

NÚMEROS 25:3

Chashnami israelcunaca Baal-peor diosta adorarca. Chaimantami Mandac Diosca israelcunahuanca nina japiric shina piñarirca.

DEUTERONOMIO 4:3

Mandac Dios Baal-peor diosta mañaccunata imata ruhuashcataca quiquin ñahuihuanmi ricurcanguichic. Mandac Diosca Baal-peor diosta caticcunataca cancunapac chaupimi tucuchirca.

JUECES 2:13

Mandac Diosta saquishpami Baal diosta, Astarot diosta servircacuna.