ROMANOS 11:18 - Dios Rimashcata Quillcashcami

¹⁸ Shina cashpapish ama: “Caishuc ramacunamanta yallimi cani” nichu. Canca mana yurata charic sapichu cangui, ashtahuanpish sapimi canta charicun.

Nuevo Testamento en Quichua Cañar 1996

¹⁸ Shina cashpapish canca: “P'itishca ramata atishpa allimi cani” ama nichu. Canca mana yurata charicuc sapi shina cashcatachu yuyana cangui, ashtahuanpish sapi canta charicushcatami yuyana cangui.

ROMANOS 11:18 ပူးပေါင်းရင်းမြစ်များ

1 REYES 20:11

Shina nicpimi, Israel llactata jatun mandacca: «Manarac macanacuiman llucshishpa, ña macanacuita atishca shinaca ama jatun tucushca caichu nigrichic» nirca.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

SAN MATEO 26:33

Chashna nicpimi Pedroca: —Caishuccuna canmanta caruyacpipish, ñucaca manatac saquishachu— nirca.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

HECHOS 25:7

Pablo chayamucpica, Jerusalenmanta shamushca israelcunami muyunacushpa, Pablota manapish cashcacunata nishpa juchanchircacuna. Chashna juchanchishpapish Pablo ima mana allita ruhuashcataca mana ricuchi pudircachu.

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

ROMANOS 3:27

Mandashcacunata pactachishcamanta jatun tucuc runaca, ¿imatac jatun? Chaica yangallami. ¿Imatac ruhuashcamanta Diosca chasquin? ¿Mandashcacunata pactachishcamantachu chasquin? Mana, ashtahuanpish crishcallamantami chasquin.

ROMANOS 4:16

Diosca cuyashcallamantami Abrahamman cushca nishcataca paipac huahua huahuacunamanpish cushca. Dios cushami nishcaca mana mandashcacunata cazuccunallamanchu, ashtahuanpish Abraham shina criccunamanpishmi can. Abrahammi tucuipac taita tucushca.

1 CORINTIOS 10:12

Chaimanta pipish ama “allimi cani” nichun, pacta pairac urmanman.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.