ROMANOS 11:16 - Dios Rimashcata Quillcashcami

¹⁶ Punta ruhuashca tanda Diospaclla cacpica, tucui chapumi Diospac canga. Shuc yura sapi Diospaclla cacpica, tucui ramacunami Diospac canga.

Nuevo Testamento en Quichua Cañar 1996

¹⁶ Punta ruhuashca tanda Diosman cushca cacpica, tucui chapumi Diosman cushca canga. Shinallatac shuc yura sapi Diosman cushca cacpica, tucui ramacunami Diosman cushca canga.

ROMANOS 11:16 ပူးပေါင်းရင်းမြစ်များ

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

JEREMÍAS 2:21

Ñucaca cantaca alli acllashca uvas muyuta shinami tarpurcani. ¿Ima nishpatac sacha uvas shina tucurcangui?

EZEQUIEL 44:30

Shinallatac tucui punta pucushca granopish, ñucaman cushcacunapish paicunapacmi canga. Cancunapac huasicunapi ñuca bendiciachunca, alli harina masashcatami paicunaman cuna canguichic.

LEVÍTICO 23:10

«Tucui israelcunataca: “Cancuna ñuca cushca llactaman yaicushpa, cosechashpaca shuc gavillata curaman cunguichic. Chai gavillaca punta ñucaman cushcami canga.

ROMANOS 11:17

Maijan israelcunaca alli olivos yuramanta pitishca rama shinami. Cutin can mana Israelca, sacha olivos ramata pitishpa, alli olivos yurapi llutashca shinami cangui. Chaimantami canca chai sapimanta huiñashca yura shina, causaita japishcangui.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

1 CORINTIOS 7:14

Cusaca huarmi cric cashcamantami Diospaclla tucunga. Mana cric huarmipish, cusa cric cashcamantami Diospaclla tucunga. Mana shina cacpica, paicunapac huahuacunaca mana cricpac huahuacuna shinami canman. Paicunaca Diospaclla causaccunapurami tucushcacuna.

DEUTERONOMIO 18:4

Punta pucushca granotapish, mushuc vinotapish, aceitetapish, punta rutushca oveja millmatapish cunguichic.

DEUTERONOMIO 26:10

Mandac Dioslla, can cushca allpapi punta pucushcatami apamunchic” ninguichic. Chai canashtata Mandac Diospac ñaupapi churashpa, cancunata Mandac Diosta alli nishpa cumuringuichic.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.