ROMANOS 10:18 - Dios Rimashcata Quillcashcami

¹⁸ Ashtahuanpish ñucaca: «Cristomanta huillashcataca, ¿manachu uyarcacuna?» nishpami tapuni. ¡Paicunaca uyarcacunami! Dios quillcachishcapica: «Paicuna huillashcaca tucui cai pachapimi uyarishca. Paicunapac rimashcaca allpa tucuricamanmi uyarishca» ninmi.

Nuevo Testamento en Quichua Cañar 1996

¹⁸ Shina cacpipish: “Cristomanta huillashcataca, ¿manachu uyarcacuna?” nishpami tapuni. ¡Paicunaca uyarcacunami! Dios quillcachishcapica: “Paicuna huillashcaca tucui cai pachapimi uyarishca. Shinallatac paicuna rimashcacunaca allpa tucuricamanmi uyarishca” ninmi.

ROMANOS 10:18 ပူးပေါင်းရင်းမြစ်များ

1 REYES 18:10

¡Canta Mandac Diospac shutipimi nini: Tucui llactacunaman, tucui mandaccunapacmanmi ñucata mandac Acabca canta mashcachun cacharca! Paicunaca: “Eliasca mana caipichu” nircami. Shina nicpipish, tucui chai mandaccunatapish, llactacunapi causaccunatapish canta mana ricushcataca cutinpish, cutinpish allimi huillachic carca.

SALMOS 19:4

Shina cacpipish, pai huillashcaca tucui cai pachapi uyarishpami, cai pacha tucuricaman chayashca. Chaipimi intimanpish huasita churarca.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

SAN MATEO 24:14

Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

SAN MATEO 26:13

Cai pachapi quishpirinamanta alli huillaita maipipish huillacushpaca, cai huarmi ruhuashcatapishmi huillanga. Pai ruhuashcaca yuyarishcami canga. Chaica chashnatacmi canga— nirca.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

SAN MATEO 4:8

Diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

MARCOS 16:20

Yachacuccuna rishpaca, tucui gentecunamanmi huillarca. Chashna huillacucpica, Apunchic Jesusmi paicunataca ayudac carca. Milagrocunata ruhuachishpami, Jesusca paicunahuan cashcataca ricuchicurca.]

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

ROMANOS 1:8

Puntaca cancuna crishca tucui llactacunapi uyarishcamantami, Jesucristopac shutipi Diosta pagui nini.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

COLOSENSES 1:6

Cai alli huillaimi alli grano pucuc shina, tucui llactacunapi mirarishpa caticun. Cancunapipish Diospac cuyaimanta parlanacucta uyashpami, Dios yallita cuyac cashcata yachashca punzhamanta pacha mirarishpa caticunguichic.

1 TESALONICENSES 1:8

Chaica, cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaita yachac chayashcacuna. Chaimantami cancuna alli crishcataca ña mana huillana canchic.