ROMANOS 1:9 - Dios Rimashcata Quillcashcami

⁹ Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

Nuevo Testamento en Quichua Cañar 1996

⁹ Ñuca cancunamanta punzhanta mañacushcataca Diosllatac yachanmi. Ñucaca tucui shunguhuan paipacta ruhuashpami, paipac Churimanta alli huillaita huillacuni.

ROMANOS 1:9 ပူးပေါင်းရင်းမြစ်များ

JOB 16:19

Ñucamanta huillacpish, ñucamanta rimacpish jahua pachapimi can.

MARCOS 1:1

Diospac Churi Jesucristomanta alli huillanaca, cashnami callarin.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

HECHOS 12:5

Chaimantami Pedrotaca carcelpi alli cuidaracurca. Ashtahuanpish tandanacushca criccunaca Pedromanta Diosta mañanataca manatac saquircachu.

HECHOS 19:21

Chai quipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantami: «Roma pueblomanpish rinami cani» nicurca.

HECHOS 24:14

Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna.

HECHOS 27:23

Cunan tutami ñuca alli nina Diospac ángel ñucahuan carca.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

ROMANOS 9:1

Apunchic Jesusta cric cashcamantami, mana llullashpa cashcatatac nicuni. Ñuca yuyaitaca Diospac Espiritumi pushacun. Paimi ñuca mana llullacushcataca ricuchin.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

2 CORINTIOS 11:31

Huiñaita “allimari cangui” nina, Apunchic Jesuspac Diosllami, ñuca cashcatatac nicuctaca yachan.

GÁLATAS 1:20

Dios ricucucpimi, mana llullashpa caicunataca quillcani.

EFESIOS 6:18

Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

FILIPENSES 1:3

Cancunata yuyarishpaca, ñuca Diostami pagui nicunilla.

FILIPENSES 1:4

Diosman ñuca mañacushpaca, tucui cancunamantami cushicuihuan mañani.

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaitaca ñucahuan pacta huillacurca.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

1 TESALONICENSES 1:2

Ñucanchic mañacushpa, tucui cancunata yuyarishpaca, Diosta pagui nishpami mañacunchiclla.

1 TESALONICENSES 3:10

Ñucanchicca cancunapac ñahuita ricushpa, crina yuyaita cushpa, ashtahuan sinchiyachinatami munanchic. Chaimantami tutapish punzhapish Diosta mañacunchiclla.

1 TESALONICENSES 5:17

Punzhanta Diosta mañaichic.

1 TIMOTEO 2:7

Tucui caicunata mana israelcunaman crinamanta cashcata nic alli huillaita huillashpa yachachichunmi, Jesusca ñucata acllarca. Ñucaca mana llullashpami, chashnatac cashcata nini.

2 TIMOTEO 1:3

Tutapish, punzhapish canta yuyarishpa paiman mañacushpaca, ñaupa taitacuna ruhuashca shinallatacmi, ñucapish chuya yuyaihuan Diospacta ruhuashpa pagui nicunilla.

FILEMÓN 1:4

Diosta mañacushpaca canta yuyarishpami Diostaca pagui nicunilla.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.