ROMANOS 1:8 - Dios Rimashcata Quillcashcami

⁸ Puntaca cancuna crishca tucui llactacunapi uyarishcamantami, Jesucristopac shutipi Diosta pagui nini.

Nuevo Testamento en Quichua Cañar 1996

⁸ Puntaca cancuna crishca tucui llactacunapi uyarishcamantami, Taita Diostaca Jesucristomanta pagui nicunilla.

ROMANOS 1:8 ပူးပေါင်းရင်းမြစ်များ

SAN MATEO 24:14

Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

ROMANOS 10:18

Ashtahuanpish ñucaca: «Cristomanta huillashcataca, ¿manachu uyarcacuna?» nishpami tapuni. ¡Paicunaca uyarcacunami! Dios quillcachishcapica: «Paicuna huillashcaca tucui cai pachapimi uyarishca. Paicunapac rimashcaca allpa tucuricamanmi uyarishca» ninmi.

ROMANOS 16:19

Cancuna Diosta cazuccuna cashcataca tucuimi yachancuna. Chaimantami yallita cushicuni. Allita ruhuangapacca, alli yachaccuna, millaita ruhuangapacca mana yachaccuna cachunmi munani.

ROMANOS 6:17

Cancunaca utcapi jucha mandashca causacushpapish, cunanca Diosmanta yachacushcacunataca tucui shunguhuanmi cazushcanguichic. Chaimantami Diostaca pagui nini.

1 CORINTIOS 1:4

Cristo Jesusmanta Dios cancunata cuyashcamantaca, punzhantami Diostaca pagui nicuni.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

EFESIOS 1:15

Chaimanta cancuna Apunchic Jesusta crishpa, Diospaclla cac tucui criccunahuan cuyanacuita charishcata uyashpami,

EFESIOS 1:16

Diosman ñuca mañashpaca, mana cungarishpa cancunamanta Diosta pagui nicunilla.

EFESIOS 3:21

¡Tandanacushca criccuna, Jesucristohuan shuclla tucushcamantaca, huiñai huiñaita Diostaca “sumacmari cangui” nicushunchic! Chashna cachun.

EFESIOS 5:20

Ñucanchic Apunchic Jesuspac shutipi punzhanta imamantapish Diostaca pagui nicuichiclla.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

FILIPENSES 1:3

Cancunata yuyarishpaca, ñuca Diostami pagui nicunilla.

COLOSENSES 1:3

Cancunamanta mañacushpaca, ñucanchic Apunchic Jesucristopac Diostami punzhanta pagui nicunchiclla.

1 TESALONICENSES 1:2

Ñucanchic mañacushpa, tucui cancunata yuyarishpaca, Diosta pagui nishpami mañacunchiclla.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

2 TIMOTEO 1:3

Tutapish, punzhapish canta yuyarishpa paiman mañacushpaca, ñaupa taitacuna ruhuashca shinallatacmi, ñucapish chuya yuyaihuan Diospacta ruhuashpa pagui nicunilla.

FILEMÓN 1:4

Diosta mañacushpaca canta yuyarishpami Diostaca pagui nicunilla.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.