ROMANOS 1:30 - Dios Rimashcata Quillcashcami

³⁰ Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

Nuevo Testamento en Quichua Cañar 1996

³⁰ Shinallatac shuccunata mana alli nishpa rimancuna, Diostapish p'iñancuna, pitapish yangapi churashpa rimancuna, “allimi canchic” nishpa jatun tucuncuna, pi mana ruhuashca millaita ruhuancuna, taita mamata mana cazuncuna,

ROMANOS 1:30 ပူးပေါင်းရင်းမြစ်များ

1 REYES 20:11

Shina nicpimi, Israel llactata jatun mandacca: «Manarac macanacuiman llucshishpa, ña macanacuita atishca shinaca ama jatun tucushca caichu nigrichic» nirca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

2 CRÓNICAS 25:19

Canca: “Riqui, Edom llactapi causaccunataca misharcanimi” nishpami, cambac shungupi jatun tucushpa cushicurcangui. Cunanca, cambac huasipi cailla. ¿Ima nishpatac cambacpish, Judá llactapi causaccunapacpish llaquita mashcanguiyari?» nichun cacharca.

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

SALMOS 49:6

Ima charishcahuan cushicuccunaca paicuna yallita charishcahuanmi jatun tucuncuna.

SALMOS 5:5

Jatun tucushcacunaca cambac ñaupapica mana ricuri pudingachu. Canca millaita ruhuaccunata piñacmi cangui.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

SALMOS 81:15

Mandac Diosta mana ricunayachiccunaca paita cazushpami causanman carca. Paicunapac causaica huiñaitami alli canman carca.

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

SALMOS 99:8

Ñucanchicta Mandac Dioslla, canmi paicuna mañashcataca cutichic carcangui. Paicuna mana allita ruhuashcataca perdonacmi carcangui. Shina cashpapish paicuna millaita ruhuashcamantaca llaquichicmi carcangui.

PROVERBIOS 24:8

Llaquichina yuyailla puric runataca millai yuyaiyuc runa ningacunami.

PROVERBIOS 25:23

Jahua ladota huaira shamushpaca, tamyatami apamun. Imatapish rimac runaca piñachishpami saquin.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

ECLESIASTÉS 7:29

Riqui, ñucaca caillatami tarircani. Diosca runataca allitami ruhuashca. Ashtahuanpish paillatacmi mana allita yuyarishca ninmi.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

NÚMEROS 10:35

Arcata apashpa, puri callaricpica Moisesca: «¡Mandac Dioslla jatariyari! Canta mana ricunayachiccunata caita chaita cachaiyari. Canta piñaccunataca cambac ñaupamanta callpachiyari» nircami.

SAN MATEO 15:4

Dios mandashpaca: “Cambac taita mamata cuyangui” shinallatac “Maijanpish taita mamata mana alli nicca, huañuchishcami canga” ninmi.

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

SAN LUCAS 21:16

Cancunataca ricsishcacunallatac, familiacunallatac, huauquicunallatac, taita mamacunallatacmi huañuchichun japichinga. Chashna japichicpica, maijan cancunataca huañuchingami.

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

HECHOS 5:36

Sarun punzhacunapi ima tucushcataca, alli yuyarichic. Teudas runaca: ‘Mandacmi cani’ nishpami, chuscu patsac shina caticcunata charirca. Shina cacpipish, paita huañuchicpica, tucui paita caticcunaca caita chaita rishpami chingarirca. Pai yachachishcapish tucuimi chingarirca.

ROMANOS 2:17

Canca: “Israelmi cani, Moisés mandashcacunatapish charinmi, Dios-huanpish allimi cani” nishpami jatun tucungui.

ROMANOS 2:23

Mandashcacunata charishcamanta jatun tucushpaca, ¿ima nishpatac chai mandashcacunata mana cazushpa, Diosta yangapi churangui?

ROMANOS 3:27

Mandashcacunata pactachishcamanta jatun tucuc runaca, ¿imatac jatun? Chaica yangallami. ¿Imatac ruhuashcamanta Diosca chasquin? ¿Mandashcacunata pactachishcamantachu chasquin? Mana, ashtahuanpish crishcallamantami chasquin.

2 CORINTIOS 10:15

Ñucanchicta Dios maicaman ruhuachun nishcamanta, shuccuna ruhuashcamanta yallita ruhuashpaca mana jatun tucunchicchu. Ashtahuanpish Dios maicaman ruhuachun nishcata ruhuashpaca, cancuna alli crishpa sinchiyashpa catichunmi, ashtahuan trabajanata munanchic.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 7:10

Shina cashpapish, paita piñaccunataca mana unayashpa llaquichicmi. Paita llaquichiccunataca paicuna llaquichishca shinallatacmi llaquichin.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

2 TIMOTEO 3:2

Chaipica quiquinlla alli canata, cullquita yallimana charinata munaccuna, jatun tucushcacuna, Diosta mana alli nishpa rimaccuna, taita mamata mana cazuccuna, mana pagui niccuna, rumi shungucuna,

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 3:5

Chai shinallatacmi calluca ñucanchic cuerpopi uchilla cashpapish, imatapish rimashpaca, yallita llaquichinlla. Shinallatac ninapish pitillamanta mirarishpaca, mashna jatun sachacunatapish tucui rupachinllami.

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.