ROMANOS 1:23 - Dios Rimashcata Quillcashcami

²³ Huiñaita causac, sumaimana Diosta alli nina shinaca, tucuriclla runaman, volac animalman, aisarishpa puric animalman, chuscu chaquiyuc animalman riccha dioscunatami adorarca.

Nuevo Testamento en Quichua Cañar 1996

²³ Paicunaca huiñaita causacuc, sumaimana Diosta alli ninata saquishpami, tucurinalla runaman, volashpa puric animalman, aisarishpa puric animalman, shinallatac chuscu chaquiyuc animalman riccha ruhuashcalla dioscunata adorancunami.

ROMANOS 1:23 ပူးပေါင်းရင်းမြစ်များ

SALMOS 106:20

Chashnami paicunapac sumac Diosta yuyarinapac randica, quihuata micuc huagraman ricchata yuyarircacuna.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 44:13

Carpinteroca caspipi shuc reglata churashpami lapiz-huan señalan. Chai quipaca cepillohuan llambushpami compas-huan runaman ricchata ruhuashpa, huasipi churan.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

EZEQUIEL 8:10

Chaiman yaicushpaca, pirca quingrai muyundipi pambata llucashpa puric animalcunatapish, mapa animalcunatapish, israelcunapac dioscunatapish dibujashca tiyacuctami ricurcani.

HECHOS 10:12

Chai lienzopica, tucui cai pachapi tiyac chuscu chaquiyuc animalcunapish, allpata aisarishpa puric animalcunapish, alasyuc animalcunapishmi carca.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

ROMANOS 1:25

Paicunaca cashcata nic huillashcata saquishpami, llulla huillashcata catincuna. Diosta cungurishpa, alli ninapac randica, pai ruhuashcacunatami cungurishpa adorancuna. Diosllami huiñaita alli nishca cana can. Chashna cachun.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

DEUTERONOMIO 5:8

Jahua pachapi, cai pachapi imapish tiyaccunaman riccha diostapish, allpa ucupi, yacupi tiyacman riccha diostapish ama ruhuanguichu.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.