ROMANOS 1:22 - Dios Rimashcata Quillcashcami

²² Yallita yachac tucusha nishpapish, yuyai illaccunami tucushca.

Nuevo Testamento en Quichua Cañar 1996

²² “Jatun yachaccunami canchic” nishpapish, paicunaca mana yachaccunami tucushca.

ROMANOS 1:22 ပူးပေါင်းရင်းမြစ်များ

PROVERBIOS 25:14

Jatun tucushpa imatapish cushami nishpa mana pactachic runaca tamya illac puyu huaira shinami.

PROVERBIOS 26:12

¿Paipac yuyaillapi yuyaisapami cani niric runata ricushcanguichu? Chaipac randica, yuyai illac runamantami imallatapish shuyana can.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

SAN MATEO 6:23

Cambac ñahui mana alli cacpica, tucui cuerpomi amsapi canga. Cambac cuerpopi achicyachic luz amsayacpicarin, ¡amsaca yallita amsami canga!

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.