ROMANOS 1:16 - Dios Rimashcata Quillcashcami

¹⁶ Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.

Nuevo Testamento en Quichua Cañar 1996

¹⁶ Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.

ROMANOS 1:16 ပူးပေါင်းရင်းမြစ်များ

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

SALMOS 119:46

Ima shina causanata can yachachishcataca jatun mandaccunapac ñaupapimi huillasha. Shinallatac mana pingaichishcachu casha.

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

JEREMÍAS 23:29

Ñuca rimashcaca, ¿manachu nina japiricuc shina? Shinallatac, ¿manachu rumita paquic martillo shina?

MARCOS 8:38

Maijanpish cai pachapi Diosta mana cazuc, juchayuc gentecunapac ñaupapi ñucamanta, ñuca huillashcacunamanta huillanata pingacpica, Runa Tucungapac shamushca ñucapish ñuca Taitapac poderhuan, paipac sumac jucha illac angelcunahuan achicyachishpa cutimushpa pingashami— nirca.

SAN LUCAS 9:26

Maijanpish ñucamantapish, ñuca huillashcacunamantapish pingacpica, Runa Tucungapac shamushca ñucapish Diospac poderhuan, jucha illac angelcunahuan shamushpaca, chai runamanta pingashami.

SAN JUAN 7:35

Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

ROMANOS 10:17

Chaica, alli huillaita uyashpami crincuna. Chai uyashcaca Cristomanta huillashcami.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

ROMANOS 15:29

Cancunapacman rishpa, Cristopac alli huillaimanta (achca bendicionhuan) chayanatami yachani.

ROMANOS 2:9

Tucui mana allita ruhuaccunami yalli llaquihuan llaquilla canga. Puntaca israelcunaracmi llaquita apangacuna. Mana israelcunapishmi llaquita apangacunami.

ROMANOS 4:11

Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.

1 CORINTIOS 15:2

Ñuca huillashca shina, alli huillaita catirashpaca quishpiringuichicmi. Mana chai shina catishpaca, cancuna crishcaca yangami canga.

1 CORINTIOS 2:2

Ñuca cancunahuan cashpaca, ima shuctac yachanata mana munashpami, Jesucristomanta, pai cruzpi huañushcallamanta yachanata munarcani.

1 CORINTIOS 2:4

Cancuna crichunca, imata parlashpapish, alli huillaita huillashpapish, tucuita yachac shina alaja rimaicunahuanca mana huillarcanichu. Chaipac randica Diospac Espiritupac poderhuanmi cricta ruhuarcani.

1 CORINTIOS 9:12

Shuccuna cancunamanta imallatapish chasquishca cacpica, ¿manachu ñucanchiccarin imallatapish japina canchic? Shina cacpipish, Cristomanta alli huillai ama jarcarichunmi, imatapish mana chasquishpa, llaquita apashpa huillacunchiclla.

1 CORINTIOS 9:18

Alli huillaita huillashcamanta japinata saquishpa, imata mana japishpa, cushicushpa Cristomanta alli huillaita huillanami, tucuimanta yalli japinaca can.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

2 CORINTIOS 9:13

Cristomanta huillacushca alli huillaita cancuna cazushpa ayudacushcata yachashpami, paicunamanpish, shuccunamanpish shungumanta ayudashcamantaca, Diostaca “allimari cangui” ningacuna.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicumi, maijancunaca Cristomanta alli huillaitaca shuctaclayaman yachachishun nincuna.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 TIMOTEO 1:11

Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

2 TIMOTEO 1:12

Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

2 TIMOTEO 1:16

Apunchic Jesusca Onesiforotapish, tucui paipac huasi ucupi causaccunatapish mai llaquichun ninimi. Paimi ñuca prezu cacpica, tauca cutin mana pingashpa ñucata ricuc shamushpa cushichic carca.

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Diospac poderhuan ñuca shina llaquita apanguilla.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

1 PEDRO 4:16

Ashtahuanpish Jesusta cric cashcamanta llaquita apashpaca, mana pinganachu canguichic. Pinganapac randica, Apunchic Jesusta catic cashcamanta Diostami “allimari cangui” nina canguichic.