ROMANOS 1:11 - Dios Rimashcata Quillcashcami

¹¹ Cancuna sinchi cric cachunmi, Diospac Espíritu yuyaita cushcata cancunaman huillangapac rinata munacuni.

Nuevo Testamento en Quichua Cañar 1996

¹¹ Cancuna ashtahuan crishpa c'atichun nishpami, Diosmanta imalla alli yuyaicunata cungapac cancunataca ricugrinata munacuni.

ROMANOS 1:11 ပူးပေါင်းရင်းမြစ်များ

GÉNESIS 31:30

Ña cambac taitapac huasita yuyarishpa, cutina munaita charishpaca, ¿ima nishpatac ñuca dioscunata shuhuamurcangui?— nirca.

2 SAMUEL 13:39

Jatun mandac Davidca Amnón huañushcamanta ña cungarishpami, Absalonta ricuna munaihuan carca.

2 SAMUEL 23:15

Chaipi David yacunayaihuan cashpaca: «¡Belén pueblo yaicunapi tiyac jundumanta yacuta apamushpa, ñucaman ubiachishpachari alli canman!» nirca.

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

HECHOS 16:5

Chashna huillacpica, criccunapac tandanacuica maipipish ashtahuanmi sinchiyashpa, punzhanta mirarirca.

HECHOS 19:21

Chai quipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantami: «Roma pueblomanpish rinami cani» nicurca.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

ROMANOS 1:12

Chaica, cancunapish, ñucapish cric cashcamantami sinchi cric cangapac caishuc chaishuc yuyachinacunata munani.

ROMANOS 15:23

Cunanca, cai llactacunapi imata ruhuana mana tiyacpimi, tauca huatacunata ricungapac rina munaita charishcamanta,

ROMANOS 15:29

Cancunapacman rishpa, Cristopac alli huillaimanta (achca bendicionhuan) chayanatami yachani.

ROMANOS 15:32

Chashna ruhuacpimi, Dios munacpica, cancunapacman alli chayashpa, cushilla samarisha.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

2 CORINTIOS 1:15

Cai yuyaihuanmi cancunatarac ricungapac rishpa achcata cushichinata yuyarcani.

2 CORINTIOS 1:21

Diosmi ñucanchictapish, cancunatapish Cristohuan shuc shinallatac ruhuashpa, acllashpa sinchita charicun.

2 CORINTIOS 11:4

Maijanpish ñucanchic huillashca Jesusmanta shuctaclayaman huillangapac chayacpi, cancuna chasquishca Espiritumanta shuctaclaya espiritutapish, cancuna chasquishca alli huillaimanta shuctaclaya huillaitapish cancunaca chasquinguichicllami.

2 CORINTIOS 9:14

Dios mai cuyac cashcata cancuna ricuchishcamantami, tucui cuyaihuan cancunamantaca Diosta mañangacuna.

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

FILIPENSES 2:26

Epafroditoca tucui cancuna ima shina cashcata ricugrina yuyaillami puricun. Ashtahuancarin pai ungushca cashcata cancuna yachashcamantami, mai llaquiricun.

FILIPENSES 4:1

Chaimanta cuyashca criccuna, Apunchic Jesus-huan shuclla cashcamantaca, imapipish sinchi caichic. Cancunaca ñucata cushichiccuna, cancunamanta ñuca japina coronami canguichic. Ñucaca cancunata ricuna yuyaillami cani.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

1 TESALONICENSES 3:2

ñucanchic huauqui Timoteota cancunapacman cacharcanchic. Paica Diosta servic, ñucanchic-huan Jesucristomanta alli huillaita huillacmi. Paimi cancunata cunashpa crina yuyaita cunga.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

2 TESALONICENSES 3:3

Paicuna chashna cacpipish, Apunchic Jesusca tucui imatapish pactachic cashcamantaca sinchita ruhuashpami millaimantapish huacaichinga.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

1 PEDRO 5:12

Huauqui Silvanohuan tucushpami, ñucaca cai asha quillcata quillcashpa cachani. Paitaca allita pactachic cric cashcatami yuyani. Caita quillcashpaca, cancuna allicunata chasquishcaca Dios mai cuyashpa cushcatatac yachachunmi, cunashpa cachani. Chai cuyaimantaca amatac anchuringuichicchu.

2 PEDRO 1:12

Chaimanta tucui caicunata cancuna yachacpipish, cashcata nic yachachishcata allita caticucpipish, punzhantami yuyachicushalla.