ROMANOS 1:1 - Dios Rimashcata Quillcashcami

¹ Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

Nuevo Testamento en Quichua Cañar 1996

¹ Jesucristopacta ruhuac Pablomi caita quillcani. Diosmanta alli huillaita huillachunmi, ñucataca Taita Diosca Jesusmanta huillac cachun c'ayashpa ch'icanyachirca.

ROMANOS 1:1 ပူးပေါင်းရင်းမြစ်များ

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

JEREMÍAS 1:5

«Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

MARCOS 1:14

Bautizac Juan carcelpi cacpimi, Jesusca Galilea llactaman rirca. Chaipi Dios mandacucmanta alli huillaita,

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

SAN JUAN 15:20

Ñuca: “Shuc servicca mana amota yallichu” nishcata yuyarichic. Ñucatapish llaquichircacunami. Cancunatapish llaquichingami. Ñuca rimashcata cazushpaca, cancuna rimashcatapish cazungami.

HECHOS 13:9

Saulo shuti Pablo, paipac shungupi Diospac Espíritu junda cacpimi, chai brujota ricurashpa:

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

HECHOS 21:40

Mandac huillachun saquicpica, chai gradapi Pablo shayarishpami, maquihuan señata ruhuashpa gentecunata upallachirca. Chai quipa hebreo rimaipi rimashpaca:

HECHOS 22:21

Ashtahuanpish Apunchic Jesusca: “Rilla, ñucami cantaca caru llacta mana israelcunapacman cachagrini” nircami» nirca.

HECHOS 22:7

Chashna tucucpi, pambaman urmashpaca: “Saulo, Saulo, ¿ima nishpatac ñucata piñashpa llaquichicungui?” nictami uyarcani.

HECHOS 26:1

Shina nicpimi Agripaca: —Pablo, canllatac rimai— nirca. Shina nicpi, Pablo maquita cuyuchishpa rimashpaca:

HECHOS 26:14

Chashna achicyachicpi, tucui riccunami pambaman urmarcanchic. Chashna urmashpaca: “Saulo, Saulo, ¿ima nishpatac ñucataca piñashpa llaquichicungui? Can quiquinllatacmi puya puntapi jaitashpa chugriric shina, chugriricungui” nishpa, hebreo rimaipi rimactami uyarcani.

HECHOS 27:23

Cunan tutami ñuca alli nina Diospac ángel ñucahuan carca.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

ROMANOS 1:16

Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.

ROMANOS 1:5

Tucui llactacunapi paita crishpa cazuchun, paipac shutita alli nichunmi Jesucristoca cuyashcallamanta apóstol cachun ñucataca acllarca.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

ROMANOS 11:13

Cancuna mana israelcunamanmi rimani. Ñucaca mana israelcunaman huillac apostolmi cani. Ñuca imata ruhuacushcataca yallimi cuyani.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

ROMANOS 15:29

Cancunapacman rishpa, Cristopac alli huillaimanta (achca bendicionhuan) chayanatami yachani.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

ROMANOS 16:25

Alli huillaita ñuca huillashca shina, Jesucristomanta yachachishca shina, cai pachata manarac ruhuashca punzhamanta pacha pacashcata ricuchishca shina, alli caticta ruhuangami. ¡Chaimanta Diosta alli nishunchic!

1 CORINTIOS 1:1

Dios munashcamanta, Jesucristopac apóstol cachun cayashca Pablomi huauqui Sostenes-huan

1 CORINTIOS 9:1

Ñucaca apostolmi cani, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca crircanguichic.

2 CORINTIOS 1:1

Dios munashcamanta Jesucristopac apóstol Pablomi huauqui Timoteohuan Corinto pueblo, shinallatac Acaya llacta Diospaclla tandanacushca criccunaman quillcanchic.

2 CORINTIOS 11:5

Ñucaca, quipata huillangapac shamuc «jatun yachaccunami» nishca huillaccunamanta “yangallami cani” ninataca mana ninichu.

2 CORINTIOS 11:7

¿Cancuna jatun tucuchunchu ñucaca cancunamanta imata mana japishpa, Diosmanta alli huillaitaca yangalla tucushpa huillarcani? ¿Chaita ruhuashpachu juchallircani?

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta cuyac cashcamantami, cancunata serviccuna canchic.

GÁLATAS 1:1

Ñucaca mana gentecunalla acllashca, ni cachashca, ashtahuanpish Diospish, pai causachishca Jesucristopish huillachun cachashca Pablomi cani.

EFESIOS 1:1

Ñucaca Dios munashcamanta Jesús acllashca apóstol Pablomi cani. Efeso pueblopi Cristo Jesusta crishpa Diospaclla caccunamanmi,

EFESIOS 1:13

Shinallatac cancunaca cashcata nic huillashcata, quishpirinamanta alli huillaita uyashpaca, Cristota cricpimi, pai cusha nishca Espirituta cushpa, paipacllata ruhuashca sellota churarca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

FILIPENSES 2:11

Diosta “sumacmari cangui” nishpa, Jesucristotapish “tucuita Mandacmi cangui” nichunmi» chashnaca ruhuarca.

COLOSENSES 1:1

Dios munashcamanta Jesucristopac apóstol Pablomi, huauqui Timoteohuan,

COLOSENSES 1:25

Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

1 TESALONICENSES 2:2

Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi.

1 TESALONICENSES 2:8

Cancunataca yallitami cuyanchic. Chaimantami quishpirinamanta alli huillaita huillashpapish mana cushicunchic, ñucanchic causaita cuna cacpipish cunchicmanmi.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

1 TIMOTEO 1:1

Ñucanchicta Quishpichic Dios, shinallatac Apunchic Jesucristo mandashcamanta, ñucanchic shunguta churashpa shuyana Apunchic Jesucristo acllashca apóstol Pablomi,

1 TIMOTEO 2:7

Tucui caicunata mana israelcunaman crinamanta cashcata nic alli huillaita huillashpa yachachichunmi, Jesusca ñucata acllarca. Ñucaca mana llullashpami, chashnatac cashcata nini.

2 TIMOTEO 1:11

Cai alli huillaita huillachunmi ñucataca huillac cachunpish, yachachic cachunpish acllashpa cacharca.

TITO 1:1

Diospacta ruhuac, shinallatac Apunchic Jesucristo acllashca huillac Pablomi cani. Dios acllashcacuna, Paita crishpa, cashcata nic huillashcata yachachun,

HEBREOS 5:4

Pipish, pai quiquinllatac mana jatun mandac cura tucunchu, ashtahuanpish Dios acllashcacunallami jatun mandac cura tucun. Chashnami Diosca Aarontaca acllarca.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

APOCALIPSIS 22:6

Chai quipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.

APOCALIPSIS 22:9

Shina ruhuagricpimi paica: —Ama chashna ruhuaichu. Ñucapish can shinallatac Diosmanta ñaupa huillaccuna shina, tucui cai libropi quillcachishcata cazuccuna shina, Diospacta ruhuacllami cani. Diostami alli nina cangui— nirca.