PROVERBIOS 8:28 - Dios Rimashcata Quillcashcami

²⁸ Puyuta huairapi churacpi, mama cucha yacu tucyanata churacpipish chaipimi carcani.

PROVERBIOS 8:28 ပူးပေါင်းရင်းမြစ်များ

GÉNESIS 1:7

Chashnami Diosca shuc parte yacutaca jahuaman, shuc parte yacutaca uraman chicanyachicta ruhuarca. Chashnami saquirirca.

GÉNESIS 1:9

Shinallatac Diosca: «Chaquishca allpa tiyachun, cai pacha yacuca shucllaman tandarichun» nirca. Shina nicpica, chashnatacmi saquirirca.

GÉNESIS 7:11

Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

GÉNESIS 8:2

Allpa ucumanta llucshic yacupish jahua pachamanta shamuc tamyapish pararircami.

JOB 26:8

Yacutaca puyuhuanmi pillurca. Chashna pillushca cashpapish, puyuca mana lliquirinchu.

JOB 38:16

¿Canca mama cucha callari pushtuman yaicushcanguichu? ¿Chai amsa ucuta ricsishpa purishcanguichu?

SALMOS 104:7

Can rimacpica anchurircami. Can tulun nishpa uyaricpica, utcashpami anchurirca.

SALMOS 146:6

Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

PROVERBIOS 3:19

Mandac Diosca cai alli yachaihuanmi cai allpataca ruhuarca. Alli yuyaihuanmi jahua pachataca maita mana cuyuchipacta sinchita churarca.

PROVERBIOS 8:27

Jahua pachata ruhuacpica ñucapish chaipimi carcani. Manchana ucu yacucunata, jahuata muyundita churacpica chaipimi carcani.

PROVERBIOS 8:29

Mama cucha yacu maiman richun, mandacucpipish chaipimi carcani. Cai pacha callari rumicunata churacucpipish chaipimi carcani.

SAN MATEO 8:26

Chaimanta Jesús riccharishpaca: —Mana tucui shunguhuan criccunalla, ¿ima nishpatac yallita mancharicunguichic?— nirca. Chaimantami Jesusca jatarishpa yacutapish cuchatapish rimarca. Shina rimacpica, huairapish, cuchapish casilla tucurcami.