PROVERBIOS 8:24 - Dios Rimashcata Quillcashcami

²⁴ Manarac mama cucha tiyacpi, tucyac yacu junducuna manarac tiyacpimi ña tiyarcani.

PROVERBIOS 8:24 ပူးပေါင်းရင်းမြစ်များ

GÉNESIS 1:2

Cai pachaca chushaclla, manchaipac pura, imaman ricchapish mana carcachu. Diospac Espiritullami caiman chaiman yacu jahuapi cuyuricurca.

JOB 38:16

¿Canca mama cucha callari pushtuman yaicushcanguichu? ¿Chai amsa ucuta ricsishpa purishcanguichu?

SALMOS 2:7

Mandac Dios cushca mandashcataca huillashami. Pai ñucata rimashpaca: «Canca ñuca churimi cangui. Cunanmi canmanca causaita cuni.

ÉXODO 15:5

¡Rumi shinami cuchapi ucuyarca! Achca ucu yacumi paicunata taparca.

PROVERBIOS 3:20

Tucuita yachac cashpami, jatun mama cuchatapish raquirca. Jahua pacha puyumantami tamyapish urman.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

SAN JUAN 5:20

Ñuca Taitaca ñucata cuyashcamantami, tucui pai ruhuacushcata ricuchin. Ashtahuan caicunamanta yalli ruhuashcacunatami ricuchinga. Chaita ricushpaca, mancharishpami saquiringuichic.

HEBREOS 1:5

¿Diosca maijan angelcunatatac: “Canca ñuca Churimi cangui, cunanca ñuca Huahuami cangui” nishca? ¿Shinallatac pi angelcunatatac: “Ñucaca paipac Taitami cani, paica ñuca Churimi” nishca?

1 JUAN 4:9

Ñucanchic paimanta huiñai causaita charichunmi, Diosca paipac shuclla Churita cai pachaman cachashpa, pai cuyac cashcataca ricuchirca.