PROVERBIOS 8:20 - Dios Rimashcata Quillcashcami

²⁰ Allita ruhuaccunapac ñanta cashcata ruhuana ñantami pushasha.

PROVERBIOS 8:20 ပူးပေါင်းရင်းမြစ်များ

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

PROVERBIOS 2:20

Shinami canca allita ruhuaccunapac ñanta purina cangui. Cashcata ruhuaccunapac ñantami catina cangui.

PROVERBIOS 2:9

Shina cuidacpimi, cashcata ruhuanatapish, allita ruhuanatapish, imata pacta pacta ruhuanatapish, tucuipi alli causanatapish entendingui.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

PROVERBIOS 6:22

Chaicunaca can maita ricpipish allitami pushanga. Can sueñucucpipish cuidangami. Riccharicpipish cambac yuyaipimi rimacunga.

PROVERBIOS 8:19

Ñuca yachachishcaca, alli curitapish yalli allimi. Chuyanlla jagan nicuc cullquitapish yalli allimi.

PROVERBIOS 8:21

Ñucata cuyaccuna paicuna japina cashcata japichunmi, chashnaca pushasha. Alli valishcacunatapish huacaichinapi jundachishami.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 55:4

Ñucami paitaca gentecunaman huillachun, llactacunata mandac cachun churarcani.

SAN JUAN 10:3

Chai michic chayacpica, corral punguta cuidacca punguta pascanmi. Ovejacunaca Michic rimashcata uyanmi. Paica ovejacunataca shutipi cayashpami, corralmanta llucchin.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.