PROVERBIOS 7:7 - Dios Rimashcata Quillcashcami

⁷ Chai yuyai illac mosocunapurapimi shuctac yallita yuyai illac mosota ricurcani.

PROVERBIOS 7:7 ပူးပေါင်းရင်းမြစ်များ

JOB 24:15

Huainayashpa causaccunaca tutayacta shuyashpami: “Pi mana ricungachu” yuyashpa, ñahuita tapashpa llucshin.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

PROVERBIOS 1:32

Imata mana yachaccunataca chai mana yachashcallatacmi huañuchinga. Mana alli yuyaiyuc gentecunataca chai mana alli yuyaillatacmi tucuchinga.

PROVERBIOS 1:4

mana yachaccunata alli yachachingapac, mosocunaman alli yuyaita cungapac, allita yuyarishpa imatapish ruhuanata yachachingapacmi can.

PROVERBIOS 10:13

Alli yuyaita charicpac shimimantaca alli yachaimi llucshin. Ashtahuanpish varaca mana entendiccunata macangapacmi.

PROVERBIOS 12:11

Allpapi trabajac runaca mana nictami micunga. Ashtahuanpish yuyai illaccunallami yanga puriccunata catincuna.

PROVERBIOS 14:15

Ashalla yuyaita charic runaca imatapish crinllami. Ashtahuanpish alli yuyaiyuc runaca imata ruhuangapacpish allita yuyarinracmi.

PROVERBIOS 14:18

Mana yachaccunaca yuyai illacmi tucungacuna. Ashtahuanpish alli yuyaiyuc runacunaca alli yachaitami coronata shina chasquingacuna.

PROVERBIOS 19:2

Manapish yachashpa imata ruhuanaca mana allichu. Maijanpish callpac shina imatapish utca ruhuacca pandarinmi.

PROVERBIOS 19:25

Burlashpa asic runata macacpica, mana yachac runapish cazunata yachacungami. Yuyaisapa runata alli tucuchun rimacpica, ashtahuanmi yuyaita japin.

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 24:30

Quilla runapac allpa ladotami pasacurcani. Yuyaita mana charicpac uvas chagra ladotami ricurcani.

PROVERBIOS 27:12

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 5:1

Ñuca huahualla, ñuca alli yachaipi yuyaita churangui, shinallatac alli entendichishcata uyangui.

PROVERBIOS 6:20

Ñuca huahualla, cambac taita mandashcata pactachingui. Cambac mama yachachishcata ama cungaringuichu.

PROVERBIOS 6:32

Ashtahuanpish shucpac huarmihuan chayarinacucca alli yuyaitaca mana charinchu. Chaita ruhuashpaca paipac causaitami chingachin.

PROVERBIOS 8:5

Yuyai illac runacuna alli yuyarishpa purinata yachacuichicyari. Mana entendic runacunapish, alli yuyarishpa purichicyari.

PROVERBIOS 9:16

Pai cayashpaca: «Maijan yuyai illaccuna, caiman shamuichic» ninmi. Cutin mana entendiccunataca:

PROVERBIOS 9:4

«Maijan yuyai illaccuna caiman shamuichic» nircami. Cutin mana entendiccunataca:

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

SAN MATEO 15:16

Shina nicpimi, Jesusca: —¿Cancunapish manaracchu entendi pudinguichic?