PROVERBIOS 7:24 - Dios Rimashcata Quillcashcami

²⁴ Cunanca huahuacuna uyaichic. Ñuca yuyaita cushpa rimashcacunataca alli entendichi.

PROVERBIOS 7:24 ပူးပေါင်းရင်းမြစ်များ

SALMOS 34:12

¿Maijantac unaita causasha ninguichic? ¿Maijantac unai huatacunata allita ricushpa causasha ninguichic?

PROVERBIOS 13:1

Yachaisapa churica taita cunashcataca chasquinmi. Ashtahuanpish burlac churica cunashcata manatac uyanchu.

PROVERBIOS 4:1

Huahuacuna, shuc taita yachachishcata uyaichic. Allita entendishpa causangapac alli uyaichic.

PROVERBIOS 5:7

Huahuacuna, cunanca ñucata uyaichic. Ñuca yachachishpa rimashcataca ama cungaringuichu.

GÁLATAS 4:19

Cuyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Cancuna Cristo causashca shina causangacamanmi llaquita apacushalla.

1 JUAN 2:1

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.