PROVERBIOS 6:23 - Dios Rimashcata Quillcashcami

²³ Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

PROVERBIOS 6:23 ပူးပေါင်းရင်းမြစ်များ

GÉNESIS 39:8

Joseca mana uyashpami, paipac amopac huarmitaca: —Riqui, ñuca amoca paipac huasipi tiyashcacunataca tucui shunguhuanmi ricuchun curca. Tucui pai charishcacunatami ñuca maquipi churashca.

SALMOS 119:105

Can rimashcaca ñuca chaqui sarunata achicyachicmi. Ñuca ñanta ricuchic luzmi.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

SALMOS 19:8

Mandac Dios mandashcacunaca cashcata ruhuac cashpami shungutapish cushichin. Mandac Dios yachachishca mandashcacunaca chuya cashpami ñahuitapish pascan.

PROVERBIOS 10:17

Cunashcata cazuc runaca causaita cuc ñanpimi. Ashtahuanpish cunashcata mana uyacca pandaricunmi.

PROVERBIOS 15:24

Alli yuyaita charicmanca causaiman apac ñanca jahuamanmi. Seolman apac ñanmantaca chashnami anchuringa.

PROVERBIOS 15:31

Alli causachun cunashcata chasquicca yachaisapacunahuanmi causanga.

PROVERBIOS 29:15

Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

PROVERBIOS 4:13

Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

PROVERBIOS 4:4

Ñuca taita yachachishpaca: “Ñuca cunashpa rimashcacunata cambac shungupi huacaichingui. Ñuca mandashcacunata cazushpa causashpaca causanguimi” nircami.

PROVERBIOS 5:12

Chashna Llaquirishpa pacta: “¡Ima nishpatac yuyaita cushcatapish, cunashpa rimashcatapish ñuca shungupi mana huacaichircani!

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

ECLESIASTÉS 7:5

Mana entendic runacuna cantashcata uyanapac randica, alli yachac runa cunashcata uyanami ashtahuan alli.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

JEREMÍAS 21:8

Mandac Diosca chai gentecunataca: “Cancunapac ñaupapica causana ñanta, shinallatac huañuna ñantami churani.

EZEQUIEL 20:11

Chaipimi paicunaman ñuca rimashcacunatapish, mandashcacunatapish ricsichircani. Chaicunata pactachishpaca causangami.

LEVÍTICO 19:17

Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.

APOCALIPSIS 2:5

Chaimanta can maimanta mana allita ruhuanata callarircangui, chaita yuyarishpa Diosman llaquirishpa cutiri. Callaripi ima shina cashca shinallatac cai. Can llaquirishpa Diosman mana cutiricpica, cambacman utca shamushpa, cambac candelerota maipi tiyacushcamanta anchuchishami.