PROVERBIOS 5:18 - Dios Rimashcata Quillcashcami

¹⁸ Cambac jundumanta llucshic yacuca bendiciashca cachun. Huambrarac cashpa cazarashca quiquin huarmihuan cushicungui.

PROVERBIOS 5:18 ပူးပေါင်းရင်းမြစ်များ

PROVERBIOS 5:16

Cambac jundu yacutaca ama ñancunapi tallichu. Cambac callpac yacutaca ama plazacunapi tallichu.

PROVERBIOS 5:17

Chai yacuca cambacllami. Ama shuccunamanpish ubiachichu.

PROVERBIOS 9:17

«Shuhuashca yacuca mai sumacmi. Tandata pacallapi micunaca mai mishquimi» ninmi.

ECLESIASTÉS 9:9

Inti achicyachicuc cai pachapi causachun Dios cushca tucui cambac yanga causaipi, cambac cuyashca huarmihuan cushicui. Cai pachapi trabajashcamantaca chashnami cushicuna cangui.

CANTARES 4:12

Ñuca panilla, ñuca cuyashca huarmilla, muyundita jarcashca huerta shinami cangui. Tapashca yacu jundu shina, unanchishca yacu jundu shinami cangui.

CANTARES 4:15

¡Huertapi tucyacuc yacu shina, Libanomanta shamushpa, jundumanta llucshicuc yacu shinami cangui!

DEUTERONOMIO 24:5

Maijan cunanlla cazarashca cashpaca, jatun macanacuimanpish, ima shuctac ruhuaicunamanpish mana rinachu can. Ashtahuanpish huarmita cushichishpami, shuc huatata huasillapi cana can.