PROVERBIOS 31:9 - Dios Rimashcata Quillcashcami

⁹ Cambac shimihuan rimarishpa cashcata ruhuashpa taripaiyari. Huacchacunatapish, imata mana chariccunatapish misaiyari.

PROVERBIOS 31:9 ပူးပေါင်းရင်းမြစ်များ

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

JOB 29:12

Yarcaihuan capariccunamanca ñucami cararcani. Taita mama illaccunataca ñucami ayudac carcani.

SALMOS 82:3

Imata mana ruhuai pudiccunatapish, taita mama illaccunatapish misaiyari. Llaquilla causaccunaman, huacchacunaman cashcata ruhuaiyari.

PROVERBIOS 16:12

Jatun mandaccuna yalli mana allita ruhuanataca millanayachinmi. Ashtahuanpish cashcata ruhuashpami pai mandanataca allita sinchiyachinga.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

PROVERBIOS 29:7

Cashcata ruhuac runaca huacchacunatapish llaquinmi. Ashtahuanpish Diosta mana manchac runaca chai llaquina cashcata mana entendinchu.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN JUAN 7:24

Ama ñahuita ricushpalla juchanchichicchu. Ashtahuanpish cashcata ruhuashpa juchanchichic— nirca.

DEUTERONOMIO 1:16

Chashna churashpami, chai punzhacunapi cancunapac juezcunataca: “Imata cashpapish cancunapac huauquipurata allita uyanguichic. Cancunapac llacta runacunatapish, shuctac llactamanta shamushpa, caipi causacuccunatapish cashcata ruhuashpa allichinguichic.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

1 SAMUEL 19:4

Jonatán Davidta alli nishpa Saulman parlashpaca: —Jatun mandaclla canta servic Davidta llaquichishpa ama juchallichu. Paica ima mana allitapish cantaca mana ruhuashcachu. Ashtahuanpish imata cashpapish allitami canmanca ruhuashca.

1 SAMUEL 20:32

Shina nicpimi, Jonatanca paipac taita Saultaca: —¿Ima nishpatac huañungayari? ¿Paica imatatac ruhuashcayari?— nirca.