PROVERBIOS 31:4 - Dios Rimashcata Quillcashcami

⁴ Lemuel-lla, jatun mandaccunaca mana vinota ubianchu. Mandaccunaca sidrataca mana ubianachu.

PROVERBIOS 31:4 ပူးပေါင်းရင်းမြစ်များ

1 REYES 16:9

Carretacunapi puric chaupi soldadocunata mandac paita servic Zimrimi huañuchingapac shuccunahuan pacalla parlanacurca. Elaca Tirsa pueblopimi paipac mayordomo Arsapac huasipi ubiashpa, machashpa tiyacurca.

1 REYES 20:12

Ben-adad caishuc jatun mandaccunahuan carpa huasicunapi ubiashpa tiyacpimi, huillangapac chayarcacuna. Shina huillacpimi, paita serviccunataca: «¡Macanacuiman ringapac allichirichic!» nishpa mandarca. Shina mandacpimi, paicunaca Samaria llactapi causaccunahuan macanacungapac allichirircacuna.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

PROVERBIOS 23:34

Mama cucha chaupipi siricushca shina. Jatun barco chaupipi shayacuc caspi puntapi tiyacushca shinami cangui.

ECLESIASTÉS 10:17

Alli nishcacunapac churi jatun mandac mandacuc llactalla, ¡yallita cushicuiyari! Chai mandaccunaca machanapac randica, ashtahuan sinchi cangapacmi micuna horaspi micuncuna.

ISAÍAS 5:22

¡Aij, machangapacpish, machana yacuta chapungapacpish sinchi runacunalla!

HABACUC 2:5

Jatun tucushca vino shinami llaquiman apan. Seol pascaric shinami imatapish mashcanga. Huañui shinami mana shaicunga. Shinallatac paipaclla cachunmi tucui llactacunata munan. Chashna jatun tucushca runaca mana causangachu.