PROVERBIOS 30:9 - Dios Rimashcata Quillcashcami

⁹ Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

PROVERBIOS 30:9 ပူးပေါင်းရင်းမြစ်များ

SALMOS 125:3

Millaita ruhuaccunaca cashcata ruhuaccunapac llactapica mana unaita mandangachu. Chashna unaita mandacpica cashcata ruhuaccunami paicunapac maquihuan mana allita ruhuangacuna.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

PROVERBIOS 29:24

Shuhuac parte tucuc runaca paipac causaitami piñan. Ima shuhuashcata yachashpaca mana huillanchu.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 5:12

Mandac Diosta negashpami: «Diosca mana tiyanchu. Ñucanchictaca ima llaquipish mana japingachu. Jatun macanacuipish, yarcaipish mana tiyangachu» ningacuna.

EZEQUIEL 23:35

Chaimantami Mandac Dios ñucaca: Canca ñucata cungarishpa huashata ricuchircanguimi. Chashna mana alli yuyaihuan purishpa, huainayashcamantami llaquishca cana cangui” nini» nirca.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

LEVÍTICO 5:1

Maijanpish imata ricushca cashpa, mana cashpaca uyashca cashpa, chaita mana huillashpaca juchayucmi tucun.

SAN MATEO 26:72

Cutinllatac Pedro negashpaca: —¡Chai runataca mana ricsinichu!— nirca.

SAN MATEO 26:74

Shina nicpimi, cutinllatac Pedroca: —¡Pimantatacpish rimacunguichicchari! ¡Chai runataca mana ricsinichu! Ñuca llullacucpica, Diosllatac llaquichichun— nirca. Chai ratollatacmi galloca cantarca.

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.