PROVERBIOS 30:14 - Dios Rimashcata Quillcashcami

¹⁴ Maijan huahua huahuacunapac ñaupa quirucunaca espadata shina, cuchu quirucunaca cuchillota shinami can. Paicunaca llactapi causac huacchacunata, runacunapurapi yangalla gentecunata lambic shina tucuchingapacmi causancuna.

PROVERBIOS 30:14 ပူးပေါင်းရင်းမြစ်များ

JOB 29:17

Millaicunataca jazhatami paquic carcani. Imata quichushca cacpica, quirumantami cacharichic carcani.

JOB 41:14

Paipac shimi muyunditaca manchana fino quirucunami. Chashna cacpica, ¿pitac paipac shimitaca pascai pudingayari?

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 124:6

Mandac Diosca alli nishca cachun. Paicuna quirucunahuan ñucanchicta pitinacushpa tucuchichunca mana saquircachu.

SALMOS 14:4

Mandac Diosta mana mañac, millai gentecunaca, ima allitaca mana entendincunachu Ñuca acllashcacunataca tandata micuc shinami tucuchincuna.

SALMOS 3:7

¡Mandac Dioslla, jatariyari! ¡Ñuca Dioslla, quishpichiyari! Canmi ñucata piñaccunataca jazapi huactarcangui. Canmi millaita ruhuaccunapac quiruta paquircangui.

SALMOS 52:2

Cambac calluca punzhantami llaquichin. Llullangapacca navaja mulashca shinami.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

SALMOS 57:5

¡Dioslla, cantaca jahua pachapi jatunyachishca cachun! ¡Can sumaimana cashcataca tucui cai pachapi ricsishca cachun!

SALMOS 58:6

Dioslla, quirucunata paquiyari. Mandac Dioslla, chai leoncunapac quirucunata shic-huaiyari.

PROVERBIOS 12:18

Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

PROVERBIOS 28:3

Huaccha runa caishuc huaccha runallatatac shuhuashpaca, yallita tamyashpa shamushpa micuna illacta saquic shinami.

PROVERBIOS 30:15

Sanguijuela curuca ishcai ushicunatami charin. Paicunaca: «Carailla, carailla» nicunmi. Huicsapi jaicapi mana jundachicca quimsami tiyan. Chuscuniquica jaicapi mana “¡Chailla!” ninchu.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ISAÍAS 10:2

¡Huacchacunata llaquichingapac, llaquilla causac ñuca acllashcacuna japina cashcata quichungapac, viudamanta, taita mama illac huahuacunamanta shuhuangapacmi chashnaca ruhuanguichic!

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

ISAÍAS 3:15

Ñuca acllashca llactataca, ¿imamantatac llaquichinguichic? ¿Imamantatac huacchacunataca ñahuipi sarunguichic?” nishpami, Mandac Diosca riman.

ISAÍAS 32:7

Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

EZEQUIEL 22:6

Riquichic, Israel llacta mandaccunaca ‘mandacmi cani’ nishpami huañuchishpa, yahuarta jichancuna.

EZEQUIEL 34:3

Cancunaca oveja lecheta micushpapish, oveja millmamanta churarishpapish, huira oveja aichata micushpapish mana michinguichicchu.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

HABACUC 3:14

Soldadocunataca paicunapac flechacunallahuantacmi huañuchircangui. Paicunaca piñarishpami acapana huaira shina caita chaita shic-huanata yuyarca. Paicuna imatapish mana charic runata pacalla llaquichic shinami, jatun tucushpa llaquichinata munarca.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

APOCALIPSIS 9:8

Acchaca huarmicunapac accha shina, cutin quirucunaca leonpac quirucuna shinami carca.