PROVERBIOS 3:33 - Dios Rimashcata Quillcashcami

³³ Mandac Diosca paita mana manchacpac huasitaca maldiciangami. Ashtahuanpish cashcata ruhuacpac huasitaca bendiciangami.

PROVERBIOS 3:33 ပူးပေါင်းရင်းမြစ်များ

2 SAMUEL 6:11

Mandac Diospac Arcaca Obed-edompac huasipimi quimsa quillata carca. Chaipi cacpimi, Mandac Diosca Obed-edomtapish, paipac familiatapish bendiciarca.

JOB 24:18

Jatun yacupi puscu callpac shinami miticuncuna. Paicuna charishca allpacunapish mana alli nishcami canga. Paicunapac uvas chagrapica pi mana puringacunachu.

JOB 31:12

Chai juchacunaca tucuita rupachic shinami canman carca. Ñuca charishcacunatapish tucuimi rupachinman carca.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

SALMOS 91:10

Chashna cashcamantaca ima llaquipish, ima ungüipish cambac huasimanca mana yaicungachu.

PROVERBIOS 10:6

Cashcata ruhuac runaca bendiciashcami canga. Ashtahuanpish Diosta mana manchaccunataca millaita ruhuashcallatacmi shimita tapanga.

PROVERBIOS 14:11

Diosta mana manchaccunapac huasica shitashcami canga. Ashtahuanpish allita ruhuaccunapac huasica sisacuc shinami ricuringa.

PROVERBIOS 15:6

Cashcata ruhuac runapac huasipica imapish achcami tiyan. Ashtahuanpish Diosta mana manchac runa ima charishcaca paillatatacmi pandachin.

PROVERBIOS 21:12

Diosca paita mana manchac runapac huasi ucupurataca ricucunmi. Diosta mana manchaccuna paicuna mana allita ruhuashcamanta chingaricuctapish ricucunmi.

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

DEUTERONOMIO 11:28

Ashtahuanpish ñuca mandashcata mana uyashpa, Mandac Diosta mana cazushpa, mana ricsishca shuctac dioscunata catishpaca, maldiciashcami canguichic.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JOSUÉ 7:13

Jatari, israelcuna chuyanlla tucuchunca: “Cayapac mapa illac tucuichic. Mandac Diosca: ‘Israelcunalla, cancunapac chaupipimi ñuca tucuchingapac chicanyachishca tiyacun. Cancunapac chaupimanta ñuca tucuchingapac chicanyachishcata anchuchingacaman cancunata piñaccunata mana ati pudinguichicchu’ ninmi” nirca.