PROVERBIOS 3:24 - Dios Rimashcata Quillcashcami

²⁴ Camapi siririshpapish mana manchanguichu. Ashtahuanpish siririshcahuanmi sumacta sueñungui.

PROVERBIOS 3:24 ပူးပေါင်းရင်းမြစ်များ

2 CRÓNICAS 20:30

Tucui muyundi llactacunapi causaccuna llaquichinamanta Mandac Dios huacaichishpa, sumac causaita cucpimi, Josafat mandacucpica, macanacuica mana tiyarca.

JOB 11:19

Can sueñucucpica pi mana manchachingachu. Achcacunami can ayudachun mañac shamunga.

SALMOS 112:8

Paipac shungupica imatapish mana manchanchu. Paita piñaccuna llaqui tucushcatapish ricungami.

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

SALMOS 3:5

Ñucaca sirirircanimi, sueñurcanimi. Mandac Dios ñucata cuidacucpimi, cayandi riccharircani.

SALMOS 3:6

Ñucata piñaccuna ñuca muyundita huaranga huaranga shayaricpipish mana manchanichu.

SALMOS 4:8

Can Mandac Diosmi ñucataca imatapish mana manchashpa causachun ruhuashcangui. Chaimantami cushilla siririshpa sueñusha.

SALMOS 91:5

Chashna cashcamanta tutaca ima manchaitapish mana charinguichu. Flechahuan punzha huañuchictapish

PROVERBIOS 1:33

Ashtahuanpish ñucata uyashpaca, llaquicunata mana manchashpa, imatapish mana manchashpami, cushilla causanga” nishpami huillacun.

PROVERBIOS 19:23

Mandac Diosta manchac runaca causangami. Paita manchashpaca imatapish mana manchashpa cushillami causanga. Ima llaquipish mana japingachu.

PROVERBIOS 6:22

Chaicunaca can maita ricpipish allitami pushanga. Can sueñucucpipish cuidangami. Riccharicpipish cambac yuyaipimi rimacunga.

ECLESIASTÉS 5:12

Trabajac runaca ashallata micushpapish, achcata micushpapish allimi sueñun. Ashtahuanpish chayuc runataca chai charishcacunami mana sueñucta saquin.

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

JEREMÍAS 31:26

Riccharishpaca ñuca muscushca sumac cashcatami ricurcani.

EZEQUIEL 34:15

Ñuca ovejacunataca ñucallatacmi michishpa, paicuna tandanacuna pushtupi samachisha.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 34:27

Pambapi tiyac yuracunapish pucungami. Allpapipish alli granomi pucunga. Paicunapac llactapica imatapish mana manchashpami causanga. Paicuna huatashca shina causaimanta llucchicpi, servichishpa charicuccunapac maquimanta cacharichicpimi, ñucataca Mandac Dios cashcata yachangacuna.

LEVÍTICO 26:6

Chai llactapica cushi causaitami cusha. Ña mana manchailla sueñunguichicchu. Llaquichic sacha animalcunatapish anchuchishami. Macanacunapish mana tiyangachu.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.