PROVERBIOS 29:8 - Dios Rimashcata Quillcashcami

⁸ Burlashpa asiccunaca pueblopi causaccunatami ninata japichic shina jatarichin. Ashtahuanpish yachaisapacunaca yallita piñarishcatapish allichinmi.

PROVERBIOS 29:8 ပူးပေါင်းရင်းမြစ်များ

PROVERBIOS 11:11

Allita ruhuaccunata bendiciacpimi, puebloca alli nishca canga. Ashtahuanpish Diosta mana manchaccuna rimashcaca llaquichishpami tucuchin.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

NÚMEROS 16:48

Chai quipaca huañushcacunapac, manarac huañushcacunapac chaupipimi Aaronca shayarirca. Shina shayaricpimi, chai llaquica ña mana huañuchishpa anchuri callarirca.

NÚMEROS 25:11

«Aaronpac churi Eleazarpac churi Fineasca ñuca piñaric shinallatac piñarishpa, huañuchishpami israelcunapac chaupimantaca ñuca rabiata anchuchishca. Chaimantami ñucaca israelcunata mana tucuchini.