PROVERBIOS 29:5 - Dios Rimashcata Quillcashcami

⁵ Paihuan apanacuc runata alli nic runaca chai runa purina ñanpi tucllata churac shinami.

PROVERBIOS 29:5 ပူးပေါင်းရင်းမြစ်များ

JOB 17:5

Maijanpish imata japishpa paicunapac ricsishcacunata llaquichichun huillacca paicunapac huahuacuna huañuctami ricunga.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 36:2

Chaimantami pai chashna mana allita ruhuashpaca alli cashcata yuyan. Paipac juchataca mana millanayachinchu.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

PROVERBIOS 1:17

Zhutacuna ricucucpi, linchita churacpica mana yaicuncunachu.

PROVERBIOS 20:19

Huashalla parlac runaca shungupi tiyacushcatami llucchichin. Imatapish rimac runahuanca pacta tandaringuiman.

PROVERBIOS 26:28

Llulla callu runaca llaquichishca runatami ashtahuan llaquichin. Crinallata llullashpa parlashcaca llaquipimi urmachin.

PROVERBIOS 28:23

Mana allita ruhuac runata alli nishcamanta alli nishca canapac randica, cunashpa rimac runami alli nishca canga.

PROVERBIOS 7:21

Mishquilla rimaicunahuanmi ari nichirca. Sumac shimicunahuanmi inquitarca.

PROVERBIOS 7:5

Chai alli yachachishcacunaca shucpac huarmimanta, mana ricsishca huarmi mishquillata rimashpa inquitanamantapish cuidangami.

LAMENTACIONES 1:13

Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

OSEAS 5:1

Mandac Diosca: «Curacunalla, israelcunalla, jatun mandacpac huasipi mandashpa tiyaccunalla, caita uyaichicyari. Cancunaca Mizpa llactapica urmachic tuclla shina, cutin Tabor urcupica tuclla shinami carcanguichic. Cancunatami taripashpa llaquichisha.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

1 TESALONICENSES 2:5

Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi.

1 SAMUEL 18:23

Saulta serviccunaca cai nishcacunatami Davidman parlagrirca. Chaita parlacpimi Davidca: —¿Jatun mandacpac yerno tucunaca jahuallachu imatacyari? Ñucaca imatapish mana charic, pipacpish mana ricsishca runami cani— nirca.