PROVERBIOS 29:4 - Dios Rimashcata Quillcashcami

⁴ Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.

PROVERBIOS 29:4 ပူးပေါင်းရင်းမြစ်များ

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 REYES 2:12

Salomonmi paipac taita David mandashpa tiyarinapica tiyarirca. Pai mandanaca ashtahuanmi sinchiyashca carca.

2 CRÓNICAS 9:8

Canta Mandac Diosca alli nishca cachun. Paica canta alli nishpami, pai mandashpa tiyarinapi tiyachishca. Mandac Diosca israelcunata cuyashpami, tucuipac allita ruhuashpa, imatapish cashcata ruhuashpa mandachun cantaca churashca» nirca.

JOB 11:6

Paimi pi mana yachashca, yachaicunata yachachinga. Chaicunaca ima charishcacunata yalli valic cactami ricuchin. Chashnami can mana allita ruhuashcamantaca, Diosca ashallata llaquichicushcata yachangui.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

PROVERBIOS 14:34

Cashcata ruhuac runacunaca llactatapish jatunyachinmi. Ashtahuanpish juchata ruhuaccunaca llactatapish pingaichinmi.

PROVERBIOS 16:10

Jatun mandacca Dios yuyachishcatami riman. Piñanacushcata allichicushpaca mana pandata rimangachu.

PROVERBIOS 16:12

Jatun mandaccuna yalli mana allita ruhuanataca millanayachinmi. Ashtahuanpish cashcata ruhuashpami pai mandanataca allita sinchiyachinga.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

PROVERBIOS 29:14

Jatun mandac huaccha runata cashcata ruhuashpa mandashpaca paipac mandanataca huiñaitami sinchiyachin.

PROVERBIOS 8:15

Ñucamantami jatun mandaccunapish mandacun. Ñucamantami imatapish, cashcata ruhuashpa mandancuna.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

DANIEL 11:20

Chai jatun mandacpac randi shuctac mandac shamushpami, pai mandana llactata sumacta ruhuangapac impuestota japichun mandanga. Shina cashpapish asha punzhacuna quipaca chai mandacca pipish mana macacpi, manapish huañuchicpimi tucuringami.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

1 SAMUEL 13:13

Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.