PROVERBIOS 29:25 - Dios Rimashcata Quillcashcami

²⁵ Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

PROVERBIOS 29:25 ပူးပေါင်းရင်းမြစ်များ

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

GÉNESIS 20:2

Abrahamca chaipica paipac huarmi Sarataca: «Ñuca panimi» nicmi carca. Chaimantami Gerar llactata jatun mandac Abimelecca Sarata apamuchun cacharca.

GÉNESIS 26:7

Isaac chaipi causacucpimi, chaipi causac runacuna paipac huarmimanta tapurca. Chashna tapucpimi: «Ñuca panimi» nirca. Chai llactapi causac runacuna paipac huarmi Rebecamanta huañuchingami yuyashpami «Ñuca huarmimi» ninataca mancharca. Rebecaca sumac ñahui huarmimi carca.

1 REYES 19:3

Chashna huillacpimi, Eliasca mancharishpa ama huañuchichun nishpa, Judá llacta Beerseba puebloman rirca. Chai pueblopimi paita servictaca saquirca.

1 CRÓNICAS 5:20

Chai macanacuipimi Diospi shunguta churashpa Diosta mañarcacuna. Chaimantami Diosca paicunapac maquipi agarenocunatapish, paicunata ayudaccunatapish churarca.

SALMOS 118:8

Gentecunapi shunguta churanapac randica, Mandac Diospi shunguta churashpa causanami alli.

SALMOS 119:117

Cambac maquihuan ayudacpica quishpirishami. Can mandashcacunahuanmi punzhanta cushicusha.

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

SALMOS 69:29

Ñucaca nanaihuan llaquirishcami cani. Dioslla, can quishpichishpa ashtahuan jahuaman churaiyari.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

PROVERBIOS 16:20

Yachachishpa rimashcata cazuc runami allita japinga. Mandac Diospi shunguta churashpa causac runaca cushicungami.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 6:23

Shina nicpimi, jatun mandacca yallita cushicushpa, Danielta chai jutcumanta llucchichun mandarca. Shina mandacpimi, Danieltaca chai jutcumanta llucchirca. Danielca Diospimi shunguta churarca. Chaimantami chai leoncuna causana jutcupica ima mana tucurca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 15:12

Chaimantami yachacuccuna Jesuspacman cuchuyashpaca: —Can chashna nicpi, ¿fariseocuna piñarishcataca yachanguichu?— nirca.

SAN LUCAS 12:4

Ñuca cuyashca uyaccunalla, cuerpota huañuchiccunata ama manchanguichicchu. Huañuchishca quipaca, imata mana ruhuai pudinchu.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 9:22

Fariseocuna: “Maijanpish ‘Jesusca Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

DEUTERONOMIO 1:17

Pimanpish mana tucushpa, yangalla runa cacpipish, alli nishca runa cacpipish, cashcata ruhuashpa allichinguichic. Mandac Diosmi cancunata mandacun. Chaimanta ama manchanguichicchu. Maijan llaquicunata mana allichi pudishpaca, ñucaman huillanguichic. Ñucami paicuna ima nishcata uyashpa allichisha” nircani.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

JUECES 16:11

Shina nicpimi Sansonca: —Manapish ucupashca mushuc huascahuan sinchita huatacpica, irquiyashpa shuctac runacuna shinami casha— nirca.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.

1 SAMUEL 21:13

Chaimantami Davidca paicunapac ñaupapi yuyai illac tucushpalla pungucunapipish maipish cachun quillcashpa, babastapish paipac barbas uraita shutuchicurca.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.

1 SAMUEL 27:11

Davidca pai llaquichishcata Gat pueblota jatun mandacman ama huillangapac shamuchunmi maijan pueblopi cashpapish caritapish, huarmitapish tucui huañuchirca. Chashnami paica filisteocunapac llactapi causacui punzhacunaca ruhuarca.