PROVERBIOS 29:2 - Dios Rimashcata Quillcashcami

² Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

PROVERBIOS 29:2 ပူးပေါင်းရင်းမြစ်များ

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

ESTER 8:15

Mardoqueoca jatun mandacpac ñaupamantaca jatun mandaccuna churarina azul yurac churanahuan, jahualla churanatapish lino puchcahuan ruhuashca morado churanata churashca, umapica jatun curi coronata churashcami llucshirca. Chashna churashcata ricushpami, Susa pueblopi causaccunaca yallita cushicurca.

JOB 34:30

Millaita ruhuac runa chai llactapi causaccunata ama pandachishpa mandachunmi, chashnaca ricucun.

PROVERBIOS 11:10

Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

PROVERBIOS 28:28

Diosta mana manchaccuna mandangapac ricpica, gentecunaca miticungami. Ashtahuanpish paicuna chingaricpica, cashcata ruhuaccunami alli nishca cancuna.

ECLESIASTÉS 10:5

Cai pachapica shuc pandai tiyactami ricurcani. Chaica mandacllatac pandata ruhuashpa callaricuc shinami ricurin.

ECLESIASTÉS 10:6

Mana entendic runacunami ashtahuan alli tiyarinapi tiyacun. Ashtahuanpish chariccunaca yangalla tiyanapimi tiyacun.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 2:3

Chaita uyashpami, mandac Herodesca yallita mancharirca. Jerusalenpi causaccunapish, chashnallatacmi mancharirca.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.