PROVERBIOS 29:16 - Dios Rimashcata Quillcashcami

¹⁶ Diosta mana manchaccuna miracpica, juchacunapish mirarinmi. Ashtahuanpish cashcata ruhuaccunaca paicuna llaquita apactami ricunga.

PROVERBIOS 29:16 ပူးပေါင်းရင်းမြစ်များ

SALMOS 112:8

Paipac shungupica imatapish mana manchanchu. Paita piñaccuna llaqui tucushcatapish ricungami.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

SALMOS 37:36

Shina cashpapish, paica chingarishpa ña mana ricurircachu. Paita mashcashpapish mana tarircanichu.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

SALMOS 91:8

Canca Diosta mana manchaccuna llaquita apacuctaca cambac ñahuihuantacmi ricungui.

SALMOS 92:11

Ñucata piñaccuna llaqui tucuctaca ñuca ñahuihuantac ricuchun, ñucata mana ricunayachiccuna aij nicuctaca ñuca ringrihuantac uyachunmi saquishcangui.

SALMOS 92:9

Mandac Dioslla, canta piñaccunaca chingaringami. Millaita ruhuaccunataca caita chaitami cachangui.

PROVERBIOS 21:12

Diosca paita mana manchac runapac huasi ucupurataca ricucunmi. Diosta mana manchaccuna paicuna mana allita ruhuashcamanta chingaricuctapish ricucunmi.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.