PROVERBIOS 29:15 - Dios Rimashcata Quillcashcami

¹⁵ Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.

PROVERBIOS 29:15 ပူးပေါင်းရင်းမြစ်များ

1 REYES 1:6

Shina cacpipish, paipac taita Davidca pai ima mana allita ruhuacpipish: «¿Ima nishpatac chashna ruhuacungui?» nishpaca, mana rimacchu carca. Adoniasca alajami carca. Paica Absalonpac quipami huacharirca.

PROVERBIOS 10:1

Cai yuyaita cuc rimaicunaca Salomón quillcashcami. Yuyaisapa churica taitata cushichinmi. Ashtahuanpish mana entendic churica mamata llaquichinmi.

PROVERBIOS 10:5

Usyai punzhacunapi cosechacca yuyaisapa churimi. Ashtahuanpish cosechana punzhacunapi sueñuc churica pingaichinmi.

PROVERBIOS 13:24

Alli yachacuchun nishpa huahuata mana dalicca paipac quiquin huahuallatatacmi mana ricunayachin. Ashtahuanpish cuyashpaca, uchillamanta pachami dalishpa yachachin.

PROVERBIOS 17:21

Shuc taitaca paipac llaquipacmi yuyai illac churita charin. Yuyai illac churipac taitaca mana cushicuita charinchu.

PROVERBIOS 17:25

Yuyai illac churica taitata piñachinmi. Paita charic mamatapish huacachinmi.

PROVERBIOS 19:18

Cambac churi uchilla cacpirac yachachi. Shina cashpapish cambac shungupica ama huañuchina yuyaihuan canguichu.

PROVERBIOS 22:15

Mosocunapac shungupica yuyai illac canaca aichayashca shinami. Ashtahuanpish anguhuan macashpa yachachicpica, paimanta anchuringami.

PROVERBIOS 22:6

Huahuataca alli causanata yachachingui. Shina yachachicpica, yuyacyashpapish mana cungaringachu.

PROVERBIOS 29:17

Cambac churita alli yachachicpica, cantaca samachingami. Shinallatac cambac causaipipish cushichingami.

PROVERBIOS 29:21

Amo paipac servicta uchillamanta pacha yallita cuyashpa huiñachicpica, quipamanca paimi amopac herenciata japinga.